1797 – Hiji pasukan Perancis nu diwangun ku 1.400 soldadu nyerang Inggris di Fishguard dina raraga nulungan Masarakat Irlandia Sarikat. Maranéhna diéléhkeun ku 500 urang pasukan batahan Inggris.
1804 – Karéta uap nu bisa ngadorong sorangan nu munggaran kaluar ti Béngkél Pen-y-Darren di Wales.
1808 – Tanpa pangedalan perang ti heula, Pasukan Rusia meuntas wates ka Swédia di Abborfors di Finlandia wétam, ku kituna ngamimitian Perang Finlandia, di mana Swédia bakal ngaleupaskeun satengah wilayahna (nyaéta Finlandia téa) ka Rusia.
1842 – John Greenough meunangkeun patén AS pikeun mesin jait.
1896 – Urang Inggris nu gedé di Australi, Bob Fitzsimmons, tanding ngalawan urang Irlandia, Peter Maher, dina hiji laga nu diayakeun ku Amérika nu lumangsung di Méksiko. Fitzsimmons antukna meunangkeun gelar juara tinju Kelas Beurat 1896.
1958 – Simbul CND (Campaign for Nuclear Disarmament / Kampanye pikeun Pangudaran Nuklir) alias simbul kadaméan, nu mangrupa protés kana Pangadegan Risét Pakarang Atom, dirancang jeung diréngsékeun ku Gerald Holtom. 1965 – Malcolm X ditelasan nalika keur biantara di bangsal Audobon di Harlem.
1973 – Di saluhureun Gurun Sinai, pasawat tempur Israél muragkeun pasawat jét Maskapai Arab Libya 114, nelasan 108 jalma.
1974 – Soldadu panungtung Israél ninggalkeun Terusan Suéz jeung Sisi Kulon, nyaosan pasini daméy jeung Mesir.
1995 – Steve Fossett ngadarat di Leader, Saskatchewan, Kanada, jadi jalma munggaran nu nuntaskeun ngapung sorangan ngaliwatan Samudra Pasifik maké balon udara.
2013 – Saheunteuna 17 jalma maraot sarta 119 taratu sabada sababaraha pangeboman di Kota Hyderabad, India.
2020 – Sapuluh tina 248 siswa SMP Turi I Sleman nu keur ngariluan kagiatan luar sakola nyukcruk Walungan Sempor naremasing pati alatan kairid ku caah déngdéng di walungan éta.
