1798 – Républik Roma diproklamirkeun lima poé sabada Louis-Alexandre Berthier, saurang jéndral Napoleon nyerang kota éta.
1898 – Kapal perang USS Maine ngabeledug tur tikelebuh di Palabuan Havana di Kuba, nelasan 274 jalma. Hal ieu nungtun kana nyatakeun perangna Amérika Sarikat ka Spanyol.
1933 – Di Miami, Giuseppe Zangara niat nelasan présidén kapilih AS, Franklin D. Roosevelt, tapi nu katémbak malah walikota Chicago, Anton J. Cermak, nu tuluy maot alatan tatuna dina tanggal 6 Maret 1933.
1942 – Perang Dunia II: Sabada serangan Jepang ka Singapur, Jéndral Inggris Arthur Percival nyerah. Kurang leuwih 80.000 urang soldadu India, Inggris jeung Australia jadi tahanan perang, jumlah panggedé-gedéna dina sajarah di mana personel nu dipingpin ku Inggris jaradi tawanan.
1944 – Perang Dunia II: Serangan ka Monte Cassino, Italia, dimimitian.
1944 – Perang Dunia II: Serangan ka Narva dimimitian ku Front Leningrad.
1946 – ENIAC, komputer éléktronik multiguna nu munggaran, sacara rasmi digunakeun di Universitas Pennsylvania di Philadelphia.
1961 – Pasawat Sabena 548 murag di Bélgia, nelasan 73 jalma kaasup sakabéh tim sapatu luncur AS, palatih jeung anggota kulawargana.crashes
1965 – Kanada ganti bandéra maké disain bodas, beureum jeung daun maple,
1982 – Pangeboran minyak Ocean Ranger tilelep alatan badéy di leupas basisir Newfoundland, Kanada, nelasan 84 pagawé.
1991 – Kasapukan Visegrád nu ngadegkeun gawé bareng pikeun nuju kana sistim pasar bébas ditarékeun ku para pamingpin Chékoslowakia, Hongaria jeung Polandia.
2001 – Rancangan munggaran génom jalma nu kumplit dipedalkeun dina majalah jurnal Nature.
2003 – Protés nentang kana Perang Irak lumangsung di leuwih ti 600 kota di sakuliah dunya. Kira-kira antara dalapan nepi ka 30 juta jalma nu ngilu ilibiung, ngajadikeun protés ieu panggedé-gedéna démonstrsi daméy dina sajarah.
2010 – Dua karéta api diadu di Halle, Bélgia, nelasan sapuluh jalma sarta nyideraan 171 lianna.
2012 – Tilu ratus genep puluh jalma maraot dina hiji kahuruan di panjara Honduras di Kota Comayagua.
2013 – Hiji météor ngabeledug saluhureun Rusia, nyideraan 1.500 jalma ku alatan hébosanna ngarujadkeun jandéla jeung adegan-adegan batu. Lumangsung teu disangka-sangka ngan sajam saméméh ngaliwatna asteroid 2012 DA14 dina jarak pangdeukeutna nu geus diharepkeun ti anggalna, leuwih gedé tur taya patali nanaon jeung météor nu ngabeledug tadi, .
