1502 – Ratu Isabella I ngaluarkeun aturan nu nganggap Islam mangrupa palanggaran hukum di Karajaan Kastile, sacara nyata maksa umat Islam sangkan parindah agama ka Karisten.
1946 – Véteran Tentara Amérika Sarikat turunan Afrika, Isaac Woodard, digebugan bébéakan ku saurang pulisi South Carolina nepi ka dua panonna teu bisa nempo. Insidén ieu ngabekéskeun pagerakan rakyat sipil sarta ngilu ngailhaman kana pilem Touch of Evil beunang Orson Welles.
1947 – Météor wesi pangbadagna mangsa harita ngakibatkeun kawangunna logak kawah balas muragna di Sikhote-Alin, di Uni Soviét.
1963 – Pangwangunan Kubah Gerbang (Gateway Arch) dimimitian di St. Louis, Missouri.
1988 – Perang Tiis: Insidén tabarakan Laut Hideung 1988: Kapal pangjalajah AS Yorktown (CG-48) ngahaja diteunggar ku kapal frigate Soviét Bezzavetnyy di wilayah pacaian Soviét, najan Yorktown ngaku teu rumasa salah.
1994 – Opat bangsat ngabongkar Galeri Nasional Norwégia sarta maling lukisan Edvard Munch nu kasohor, The Scream.
2002 – Pasawat Iran Airtour Tupolev Tu-154 murag di pagunungan saluareun Khorramabad, Iran, nalika rék ngadarat di Bandara Khorramabad, nelasan 119 jalma.
2009 – Pasawat Colgan Air 3407 ragrag kana hiji imah di Clarence Center, New York nalika ngadeukeutan ka Bandara Internasional Buffalo Niagara, nelasan sakabéh jalma sajeroeunna sarta saurang nu di darat.
2016 – Paus Fransiskus jeung Patriarch Krill néken Déklarasi Ecumenical dina pasamoan munggaran pamingpin Garéja Katolik jeung Ortodoks Rusia nu geus papisah ti taun 1054.
2019 – Nagara nu nelah ku Républik Makédonia ngaganti ngaranna jadi Républik Makédonia Kalér luyu jeung kasapukan Prespa, ngaréngsékeun pacogrégan ngeunaan ngaran nu geus lumansung sakitu lilana jeung Yunani.
