Kalénder Islam
| Kalénder [ ] | |
|---|---|
| Kagunaan Umum | |
| Tiongkok · Islam · Gregorian · Thai: Bulan – Panonpoé . Tanggal minggu ISO · Astro · Julian | |
| Tipe Kalénder | |
| Lunisolar · Solar · Lunar | |
| Kagunaan Lianna | |
| Arménia · Bahá'í · Bengali · Berber · Buda · Koptik · Étiopia · Jérmanik · Yahudi · Hindu · India · Iran · Irlandia · Jepang · Jawa · Malayalam · Maya · Nanakshahi · Nepal · Nepal Sambat · Tamil · Tibet · Zoroaster | |
| Julian asli · Runik | |
Kalénder Islam atawa kalénder Muslim (Basa Arab: التقويم الهجري; at-taqwīm al-hijrī; Basa Persia: تقویم هجري قمری taqwīm-e hejri-ye qamari katelah ogé kalender Hijriah) nyaéta kalénder nu dipaké keur nanggalan kajadian-kajadian di nagara-nagara nu dominan Muslim, sarta dipaké ku Muslim di mana waé keur nangtukeun wanci nu mustari keur ngaria-ria poé sucina Islam. Kalender Islam mangrupa kalender bulan nu miboga 12 bulan lunar, dina sataunna aya 354 poe. ku sabab taun bulan ieu 11 poé leuwih pondok ti batan taun panonpoe, sanajan poé sucina Islam dirayakeun dina tanggal nu ajeg dina kalender Islam, dina kalender Gregorian mah baris geseh 11 poé miheulaan saban taunna. Taun Islam katelah ogé taun Hijrah alatan taun munggarannana nyaéta taun kajadian Hijrah; Nabi Muhammad emigrasi ti Mekah ka Madinah. Ku kituna taun-taun lianna ditangtukeun maké H, (Basa Inggis H jeung AH, AH mah sarua jeung Basa Laten anno Hegirae (dina taun Hijrah).[1]
Taun Islam kiwari 1428 H.
Bulan
[édit | édit sumber]
Bulan Islam dingaranan kawas kieu:[2]
- Muharram محرّم (panjangna: Muḥarram ul Ḥaram)
- Safar صفر (panjangna: Ṣafar ul Muzaffar)
- Mulud atawa Robiul awal, (Rabi' I) (Rabī'ul Awal) ربيع الأول
- Robiul akhir atawa Rab'iul-ahir atawa Silih Mulud (atawa Rabī' al Thānī, atawa Rabī' al-Akhir) (Rabī' II) ربيع الآخر أو ربيع الثاني
- Jumadil Ula atawa Jumadil-awal (Jumādā I) جمادى الأول
- Jumadil akhir atawa Jumadil-ahir (atawa Jumādā al-tsani) (Jumādā II) جمادى الآخر أو جمادى الثاني
- Rojab رجب (panjangna: Rajab al Murajab)
- Sya'ban atawa Rewah شعبان (panjangna: Sa'bān ul Moazam)
- Romadon Romadon atawa bulan Puasa رمضان (atawa Ramzān, panjangna: Ramaḍān ul Mubarak)
- Syawal شوّال (panjangna: Shawwal ul Mukarram)
- Dzulkaédah atawa Hapit ذو القعدة
- Dzulhijjah atawa Rayagung ذو الحجة
Tina sakabéh bulan, Romadon mangrupa bulan pangutamana, bulan keur puasa tina dahar, nginum, sapatemon jeung ngajaga hate tina sagala panyakit.
Tanggal penting
[édit | édit sumber]
Tanggal penting dina taun Islam (Hijriah) nyaéta:
- 1 Muharram (Pabaru Islam)
- 10 Muharram (Poé Asyura, milangkala pupusna Imam Husén bin Ali sarta nu ngariring ka anjeunna.)
- 12 Rabiul Awal (Mulud Nabi keur Muslim Sunni)
- 17 Rabiul Awal (Mulud Nabi keur Muslim Siah)
- 13 Rajab (Babarna Imam Ali bin Abi Talib.)
- 27 Rajab (Isra jeung Miraj)
- 15 Saban (Shab-e-Br'aat, Babarna Imam Mahdi, ratu adil nu dijangjikeun dina Islam.)
- 1 Ramadan (poe munggaran puasa)
- 21 Ramadan (tanggal pupusna Imam Ali bin Abi Talib. anjeunna alo sareng mantuna Nabi Muhammad sareng ramana Imam Husén bin Ali)
- 27 Ramadan (Nuzulul Qur'an) (17 Ramadan di Indonesia, Malaysia)
- Minggu katilu terahir Ramadan nu aya Laélatul Qadar
- 1 Sawal ('Idul Fitri)
- 8-10 Dzulhijjah (Haji ka Mekah)
- 10 Dzulhijjah ('Idul Adha).
Hubungan kiwari
[édit | édit sumber]Keur ngarobah sacara kasar, kalikeun taun Islam jeung 0.97, terus tambah 622 keur meunangkeun taun Gregorian. Taun Islam bakal sarua jeung taun Gregorian dina taun 20874. Taun kalender Islam 1429 bakal kajadian sakabéhna aya dina taun kalender Gregorian 2008. Taun kawas kieu bakal lumangsung sakali unggal 33 atawa 34 taun Islam (32 atawa 33 taun Gregorian). Di handap daptarna:
| Taun Islam dina taun Gregorian | ||
| Islam | Gregorian | Bedana |
| 1228 | 1813 | 585 |
| 1261 | 1845 | 584 |
| 1295 | 1878 | 583 |
| 1329 | 1911 | 582 |
| 1362 | 1943 | 581 |
| 1396 | 1976 | 580 |
| 1429 | 2008 | 579 |
| 1463 | 2041 | 578 |
| 1496 | 2073 | 577 |
| 1530 | 2106 | 576 |
| 1564 | 2139 | 575 |
Tempo ogé
[édit | édit sumber]Rujukan
[édit | édit sumber]- ↑ Watt, W. Montgomery "Hidjra". Encyclopaedia of Islam Online. Ed. P.J. Bearman, Th. Bianquis, C.E. Bosworth, E. van Donzel and W.P. Heinrichs. Brill Academic Publishers. ISSN 1573-3912.
- ↑ B. van Dalen; R.S. Humphreys; A.K.S Lambton, et al. "Tarikh". Encyclopaedia of Islam Online. Ed. P.J. Bearman, Th. Bianquis, C.E. Bosworth, E. van Donzel and W.P. Heinrichs. Brill Academic Publishers. ISSN 1573-3912.
Tumbu luar
[édit | édit sumber]- The Umm al-Qura Calendar of Saudi Arabia
- Mahdavia Calendar for North America Archived 2008-05-14 di Wayback Machine
- Correspondence between Hebrew and Islamic calendars, months and holidays (pdf)
- Khalid Chraibi : 1st muharram : Lunar or islamic calendar ?
- Remotely hosted Gregorian-Hijri calendar Archived 2008-05-05 di Wayback Machine
- Islamic Months - Significance and Blessed Months Archived 2008-04-15 di Wayback Machine
- Predicting the First Visibility of the Lunar Crescent