Obrolan pamaké:Krisnaherdiana

Wilujeng Sumping di Wikipedia!

Bagéa, Lur! Wilujeng sumping di komunitas Wikipédia, hususna Wikipédia édisi Basa Sunda.

Pikeun pangwanoh ka baraya lianna, mangga eusian kaca pamaké Krisnaherdiana ku sababaraha hal nu peryogi kauninga, utamana ngeunaan widang naon waé nu janten interés sadérék.

Pikeun hal-hal nu sipatna téhnis, mangga buka kaca :

• Tingali Menu Navigasi pikeun informasi ngeunaan pakakas dina kaca Wikipedia.
• Pitulung, atanapi mangga tingalan nu loba ditanyakeun (sanajan can lengkep) ngeunaan ramatloka ieu.
• upami sadérék nembéan di Wikipédia ieu, mangga tingali cara maké di Kursus kilat jeung cara nyieun kaca
• Nanyakeun atawa méré usul ngeunaan Wikipédia ieu di Sawala.
• Pikeun ngobrol jeung wikipediawan sejenna, mangga tingali kaca obrolan

Pikeun nanda tangan dina kaca sawala, siga kaca ieu, ketik ~~~~ (opat kali tanda gelombang/tilde).
ilhamkang (sawala) 18 Juni 2015 04.45 (UTC)

Wilujeng Sumping di Undak 1

Bagéa!

Anjeun geus kadaptar jadi pamilon pasanggiri nulis Wiki Sabanda.

• Pikeun meunangkeun hadiah utama, anjeun kudu ngaliwatan 10 undakan.
• Ayeuna anjeun bisa migawé undak 1. Katangtuanana bisa ditingali dina kaca katangtuan Undak 1
• Upama geus nulis artikel, mangga laporkeun dina Kaca Klaim Undak 1

Cag!

~~~~

A.R Dipusparaga (sawala) 19 Juni 2015 02.09 (UTC)

Komentar: Kalor

Sampurasun Krishna!
Usaha saderek tos sae dina ngadamel artikel Kalor, tapi aya sababaraha hal anu kedah diperhatoskeun:

1. Kecap "kalor" dina awal paragraf bubuka kedah ditulis bold, sareng hurup kahijina kapital, janten diserat Kalor.
2. Paragraf kahiji mangrupa pedaran umum, teu kedah nganggo tanda subbab (==Kalor==).
3. Kanggo bagian keur naékkeun suhu hiji barang sareng keur ngarobah wujud hiji barang teu kedah didamel subbab, cekap nganggo tanda *. kanggo nyebutkeun poinna.
4. Nyerat kategori nganggo kode [[kategori:sains]].
5. Citakan {{Daptar-wawacan}} teu kedah dianggo dina artikel Kalor, margi éta mah kanggo dianggo dina artikel wawacan. Upami dilebetkeun janten teu nyambung.
6. Tambihan citakan {{pondok}} kanggo nandaan artikel taratas. Syarat artikel taratas dina pasanggiri Wiki Sabanda tiasa ditingali dina kaca ieu.

Ku simkuring dilereskeun sababaraha bagianna, mangga tingali parobihanna.

Kanggo ngobrol sapertos kieu, mangga baca pituduh kaca obrolan.
Sumanget nya Krisna! --ilhamkang (sawala) 26 Juni 2015 09.28 (UTC)

Gentos Poto dina Kaca Pamake ku Poto Asli

Sampurasun, Krisna!
Mangga gentos poto profil anu dipasang dina kaca pamake saderek, supados tiasa ditingali jalmi aslina. Ieu kanggo ngabantos interaksi antar pamilon.

Carana tiasa ditingali dina kaca pituduh muat berkas
--ilhamkang (sawala) 26 Juni 2015 09.07 (UTC)

Artikel Danau

Wilujeng sonten Khrisna,
Artikel Danau moal tiasa lebet étangan undak kahiji margi artikel ngeunaan danau atanapi bahasa Sundana mah situ atos aya. Mangga tiasa ditinggal dina Situ. Kanggé kapayunna, mangga pilari heula judul artikel nu badé dijieun dina basa Sunda, upamana waé badé ngadamel artikel ngeunaan Awan anu disungsina/ dipilarina nyaéta Méga, margi basa Sundana awan téh nyaéta méga.
Bilih aya patarosan mangga tong asa-asa.
Sumangeet nya Khrisna ^_^
Salam --A.R Dipusparaga (sawala) 27 Juni 2015 10.03 (UTC)

Artikel Kahirupan Prasajarah

Hello Khrisna,
Punten kalangkung hiji deui, perkawis artikel Kahirupan Prasajarah saleresna bahasan ngeunaan kahirupan prasajarah atos aya. Mangga tiasa ditingal dina artikel Prasajarah. Janten ieu artikel moal tiasa lebet étangan undak 1. Tah kasusna sami kénéh sareng artikel nu Danau téa. Janten sateuacan ngadamel artikel sing taliti milari judul artikel nya.
Tetep sumanget nya. Yuk urang diajar sasarengan ^_^
Salam --A.R Dipusparaga (sawala) 27 Juni 2015 10.25 (UTC)

Artikel Bagong Kussudiardja

Sampurasun, Krisna!
Artikel Bagong Kusudiardjo anu didamel ku sadérék sakedahna dijudulan Bagong Kussudiardja. ku kituna, ku simkuring dialihkeun sakumaha kedahna. Mangga tingali parobihanna di dieu.

Rupina, artikel-artikel anu didamel ku Krisna mangrupi tarjamahan tina Wikipedia Bahasa Indonesia, nya? Kanggo diajar mah saheulaanan teu sawios-wios narjamahkeun ogé. Mung diusahakeun ngadamel artikel nganggo sumber nyalira nya, Krisna. Sumanget~ --ilhamkang (sawala) 29 Juni 2015 10.54 (UTC)

Artikel: Ekosistem

Sampurasun, Krisna!
Artikel ekosistem dialihkeun kana ékosistem, dilereskeun éjahanna. Iwal ti éta, ogé simkuring ngalereskeun sababaraha diksi (pilihan kecap) dina kalimahna, sangkan luyu sareng kontéks eusina. Mangga tingali parobihanna dina kaca ieu. Sing sumanget! --ilhamkang (sawala) 1 Juli 2015 02.54 (UTC)

Uleman Ngabuburit

Wilujeng énjing Krisna,
Dihaturanan sumping dina acara Ngabuburit Bareng Wikipédia nu baris dilaksanakeun dina:

dinten: Rebo, 8 Juli 2015

tempat: Co & Co Working Space Jl. Dipatiukur No. 5 (Dago), Bandung

waktu: Jam 16.00-20.00

Agénda acara:

1. Silaturahmi antar pamaké Wikipédia
2. Ngabuburit bari ngédit artikel bareng
3. Bukber (buka puasa bersama)

Acara ieu dijamin HARATIISSS.
Tong hilap nyandak léptop atanapi gadget nu sanésna nya.
Kanggé kalancaran acara, mangga konfirmasi heula kasumpinganana dina obrolan kaca pamaké sim kuring.
Diantos pisan kasumpinganana. Hatur nuhun --A.R Dipusparaga (sawala) 2 Juli 2015 02.53 (UTC)

1 artikel deui kanggo tiasa lolos ka undak 2

Krisna kumaha damang?
Mangga ngadamel 2 artikel deui kanggo ngalengkepan tugas undak 1. Sing sumanget nya! -ilhamkang (sawala) 7 Juli 2015 02.59 (UTC)

Laporan Kontribusi Mingguan (29 Juni -5 Juli 2015)

Sampurasun, Krisna!
Ieu hasil ngaronda kontribusi mingguan sadérék ti kaping 29 Juni - 5 Juli 2015:

7 suntingan (sumber)

Sumanget teras Krisna! sadérék gaduh poténsi kanggo teras nyerat di Wikipedia Basa Sunda. --ilhamkang (sawala) 7 Juli 2015 14.52 (UTC)

Panutupan Wiki Sabanda

Sampurasun!
Sayembara Wiki Sabanda parantos ditutup kaping 14 Maret 2016 jam 23.59 WIB. Hatur nuhun kana ilubiung sadérék Krisnaherdiana dina ieu sayembara. Sadaya hasil anu parantos dipidamel ku sadérék nuju dirékap.

Hasil ahir tina ieu sayembara diumumkeun langsung dina acara panutupan. Ku kituna, panata calagara Wiki Sabanda seja ngulem sadérék Krisnaherdiana kanggo sumping dina acara nu dimaksad, dina:

Dinten, kaping : Kemis, 24 Maret 2016. '

Jam : 13.00-14.00 WIB

Tempat: Aula Perpustakaan Ajip Rosidi, Jl. Garut No. 2, Kota Bandung.

Sanaos sayembara tos lekasan, kontribusi sadérék dina ngokolakeun Wikipéda teras diantos pisan, sangkan Wikipedia Basa Sunda tiasa teras hirup.

Cag.

Panata Calagara
ilhamkang (sawala) 15 Maret 2016 03.18 (UTC)