Fluor nyaéta hiji unsur kimia dina tabél périodik anu miboga simbul F jeung nomor atom 9.[13] Fluor mangrupa gashalogén racunan univalen, warnana konéng-héjo pias, jeung mangrupa unsur pangréaktifna sarta miboga éléktronégativitas pangluhurna.[14] Fluor gampang ngawangun sanyawa jeung ampir sakabéh unsur séjénna, malah mah jeung gas mulya ogé siga kripton, xénon, sarta radon.[14] Saking réaktifna, kaca, logam, cai, jeung zat lianna ogé bakal kabeuleum sarta hurung caang dina diréaksikeun jeung gas fluor.[14] Dina larutan, fluor biasana kajadian minangka ionfluorida F-.[14] Fluorida mangrupa sanyawa anu kajadian antara fluorida jeung unsur lian nu muatanna positif.[14] Produksi fluor taunan dunya kurang leuwih 4 yuta ton.[14] Panghasil fluorit utama dunya di antarana nyaéta Tiongkok, Méksiko jeung Éropah Kulon.[14] Fluor kajadian sacara alami di kerak marcapada jeung bisa kapanggih dina batuan, batu bara, jeung taneuh liat.[14] Fluor mangrupa unsur ka-13 pang-ngaleuyana di kerak marcapada ku konséntrasi 950 ppm.[14] Taneuh ngandung kira-kira 330 ppm fluor.[14] Sedengkeun taneuh anu kakontaminasi bisa ngandung fluor nepi ka 3500 ppm.[14]Fluorida hidrogen biasa dileupaskeun ka udara liwat prosés pameuleuman dina industri.[14]Fluorida anu aya di udara dina antukna mah bakal turun kana taneuh atawa kana cai.[14]
↑Meija, Juris; Coplen, Tyler B.; Berglund, Michael; Brand, Willi A.; De Bièvre, Paul; Gröning, Manfred; Holden, Norman E.; Irrgeher, Johanna et al. (2016). "Atomic weights of the elements 2013 (IUPAC Technical Report)". Pure and Applied Chemistry88 (3): 265–91. doi:10.1515/pac-2015-0305.
