Kabinét Pamaréntahan Indonésia

Ti Wikipédia Sunda, énsiklopédi bébas
Loncat ke navigasi Loncat ke pencarian
Ir. Soekarno minangka Pupuhu Kabinét Présidénsial

Kabinét nyaéta hiji lembaga nu ngawengku pajabat pamaréntahan senior, biasana ngawakilan cabang éksékutif.[1] Kabinét ogé bisa disebut minangka Déwan Menteri, Déwan Éksékutif atawa Komite Éksékutif sesebutana gumantung sistim pamaréntahan sarta dipupuhuan ku présidén atawa perdana menteri minangka pupuhu kabinét.[1] Sahenteuna ti taun 1945 geus aya 41 kabinét pamaréntahan di Indonésia.[1]

Sajarah[édit | édit sumber]

Sanggeus proklamasi, Indonésia mimiti nata sistim pamaréntahana kalawan sistim présidénsial, nyaéta hiji pamaréntahan nu pupuhu nagarana boga pungsi minangka kepala pamaréntahan.[1] Sanajan karék merdika, usaha ngamekarkeun kahirupan politik nu démokratis tutuluyan dilakukeun ku pamingpin nagara jeung pamaréntah.[1] Kaping 2 Séptémber 1945 Présidén nyieun kabinét saluyu jeung UUD 1945, kabinét nu diwangun nyaéta Kabinét Présidénsial.[1] Saterusna kaping 1 Nopémber 1945 pamaréntah ngaluarkeun maklumat politik.[1] Dina maklumat éta diébréhkeun yén pamaréntah hayang pangakuan nagara jeung Pamaréntah RI ti pihak sarékat (sekutu) atawa pihak Walanda.[1] Pamaréntah ogé bakal malikeun milik asing atawa ngaganti rugi ka sakabéh hak milik asing nu dikawasaan ku pamaréntah RI.[1]

Kaping 3 Nopémber 1945 pamaréntah ngaluarkeun maklumat ngeunaan dijieuna partéy pulitik.[1] Salila bulan nopémber, Désémber 1945 nepi ka Januari 1946 geus aya sapuluh partéy pulitik.[1] Pikeun nyingkahan pamadegan yén Indonésia boga pamaréntahan nu diktator, sarta dina raraga meunangkeun pangakuan kadaulatan, ku kituna pamaréntah ngaluarkeun maklumat nomor 14 kaping 14 Nopémber 1945 nu ngarobah sistim présidénsial ku sistim parleméntér.[1] Kalawan sistim parleméntér pupuhu pamaréntahan nyaéta perdana menteri, minangka perdana menteri munggaran nyaéta Sutan Syahrir.[1]

Taun 1945 kaayaan puseur dayeuh di Jakarta geus beuki ripuh.[1] Nepi ka puseur dayeuh dipindahkeun ka Yogyakarta kaping 4 Januari 1946.[1] Ku kituna, Présidén Sukarno jeung Moh. Hatta sarta sababaraha menteri pindah ka Yogyakarta.[1] Sedengkeun perdana menteri angger di Jakarta.[1] Perdana Menteri Syahrir minangka tokoh nu satuju ku cara diplomasi, ngayakeun diskusi antara Indonésia jeung Inggris sarta Walanda kaping 10 Pébruari 1946.[1] Inggris diwakilan ku Sir Archibald Clark Keer sarta Walanda ku Van Mook.[1] Dina diskusi éta Van Mook nepikeun pamadegan pulitik nu kungsi diébréhkeun ku Ratu Walanda nu eusina nyaéta:[1]

  1. Indonésia dijadikeun nagara persemakmuran di lingkung Karajaan Walanda.[1]
  2. Masalah di nagri diurus ku Indonésia sedengkeun luar nagri ku pamaréntah Walanda.[1]
  3. Saméméh kawangun nagara persemakmuran baris diwangun pamaréntahan pengalihan salila sapuluh taun.[1]
  4. Indonésia baris diasupkeun minangka anggota PBB.[1]

Indonésia can méré usul balesan patalina jeung usulna van Mook.[1] Ngan hiji gabungan organisasi nu dingaranan Persatuan Perjuangan (PP) pupuhuna Tan malaka ngalakukeun oposisi.[1] Persatuan Perjuangan nungtut diskusi jeung Walanda atawa Inggris bisa diayakeun ku dasar pangakuan 100% ka ayana RI.[1] Ti dieu bisa disebut yén pamuda jeung tangtara ngritik kateutegasan Syahrir nyanghareupan Inggris jeung Walanda.[1] Ku kituna, KNIP ngadesek présidén sangkan ngarobah susunan kabinét.[1] Syahrir tuluy turun jabatan sarta disatujuan ku présidén tanggal 28 Pébruari 1946.[1] Présidén tuluy nyieun deui kabinét anyar sarta nunjuk Syahrir deui minangka perdana menteri.[1] Kabinét Syahrir II diwangun kaping 12 Maret 1946.[1] Saterusna nyusun usulan waleran dina ngaréngsékeun parundingan jeung pihak Walanda.[1]

Daptar Kabinét Pamaréntahan Indonésia[2][édit | édit sumber]

No Ngaran Kabinét Mimiti Mangsa Gawé Ahir Mangsa Gawé Pupuhu Kabinét Kalungguhan Jumlah
Mangsa Perjuangan Kamerdikaan
1 Présidénsial 2 Séptémber 1945 14 Nopémber 1945 Ir. Soekarno Présidén 21 urang
2 Sjahrir I 14 Nopémber 1945 12 Maret 1946 Sutan Syahrir Perdana Menteri 17 urang
3 Sjahrir II 12 Maret 1946 2 Oktober 1946 Sutan Syahrir Perdana Menteri 25 urang
4 Sjahrir III 2 Oktober 1946 3 Juli 1947 Sutan Syahrir Perdana Menteri 32 urang
5 Amir Sjarifuddin I 3 Juli 1947 11 Nopémber 1947 Amir Sjarifuddin Perdana Menteri 34 urang
6 Amir Sjarifuddin II 11 Nopémber 1947 29 Januari 1948 Amir Sjarifuddin Perdana Menteri 37 urang
7 Hatta I 29 Januari 1948 4 Agustus 1949 Mohammad Hatta Perdana Menteri 17 urang
8 Darurat 19 Désémber 1948 13 Juli 1949 S. Prawiranegara Ketua 12 urang
9 Hatta II 4 Agustus 1949 20 Désémber 1949 Mohammad Hatta Perdana Menteri 19 urang
Mangsa Démokrasi Parleméntér
10 RIS 20 Désémber 1949 6 Séptémber 1950 Mohammad Hatta Perdana Menteri 17 urang
11 Susanto 20 Désémber 1949 21 Januari 1950 Susanto Tirtoprodjo Pjs Perdana Menteri 10 urang
12 Halim 21 Januari 1950 6 Séptémber 1950 Abdul Halim Perdana Menteri 15 urang
13 Natsir 6 Séptémber 1950 27 April 1951 Mohammad Natsir Perdana Menteri 18 urang
14 Sukiman-Suwirjo 27 April 1951 3 April 1952 Sukiman Wirjosandjojo Perdana Menteri 20 urang
15 Wilopo 3 April 1952 30 Juli 1953 Wilopo Perdana Menteri 18 urang
16 Ali Sastriamidjojo I 30 Juli 1953 12 Agustus 1955 Ali Sastroamidjojo Perdana Menteri 20 urang
17 Buhanuddin Harahap 12 Agustus 1955 24 Maret 1956 Burhanuddin Harahap Perdana Menteri 23 urang
18 Ali Sastroamidjojo II 24 maret 1956 9 April 1957 Ali Sastroamidjojo Perdana Menteri 25 urang
19 Djuanda 9 April 1957 10 Juli 1959 Ir. Djuanda Perdana Menteri 24 urang
Mangsa Démokrasi Terpimpin
20 Kerja I 10 juli 1959 18 Pébruari 1960 Ir. Soekarno Présidén 33 urang
21 Kerja II 18 Pébruari 1960 6 Maret 1962 Ir. Soekarno Présidén 40 urang
22 Kerja III 6 Maret 1962 13 Nopémber 1964 Ir. Soekarno Présidén 60 urang
23 Kerja IV 13 Nopémber 1964 27 Agustus 1964 Ir. Soekarno Présidén 66 urang
24 Dwikora I 27 Agustus 1964 22 Pébruari 1966 Ir. Soekarno Présidén 110 urang
25 Dwikora II 24 Pébruari 1966 28 Maret 1966 Ir. Soekarno Présidén 132 urang
26 Dwikora III 28 Maret 1966 27 Juli 1966 Ir. Soekarno Présidén 79 urang
27 Ampéra I 25 Juli 1966 17 Oktober 1967 Ir. Soekarno Présidén 31 urang
28 Ampéra II 17 Oktober 1967 6 Juni 1968 Jend. Soeharto Pjs Présidén 24 urang
Mangsa Orde Baru
29 Pembangunan I 6 Juni 1968 28 Maret 1973 Jend. Soeharto Présidén 24 urang
30 Pembangunan II 28 Maret 1973 29 Maret 1978 Jend. Soeharto Présidén 24 urang
31 Pembangunan III 29 maret 1978 19 Maret 1983 Soeharto Présidén 32 urang
32 Pembangunan IV 19 Maret 1983 23 Maret 1988 Soeharto Présidén 42 urang
33 Pembangunan V 23 Maret 1988 17 Maret 1993 Soeharto Présidén 44 urang
34 Pembangunan VI 17 Maret 1993 14 Maret 1998 Soeharto Présidén 43 urang
35 Pembangunan VII 14 Maret 1998 21 Méi 1998 Soeharto Présidén 38 urang
Mangsa Réformasi
36 Réformasi Pembangunan 21 Méi 1998 26 Oktober 1999 B.J. Habibie Présidén 27 urang
37 Persatuan Nasional 26 Oktober 1999 9 Agustus 2001 Abdurahman Wahid Présidén 36 urang
38 Gotong Royong 9 Agustus 2001 21 Oktober 2004 Mégawati Soekarnoputri Présidén 33 urang
39 Indonésia Bersatu I 21 Oktober 2004 22 Oktober 2009 Susilo Bambang Yudhoyono Présidén 37 urang
40 Indonésia Bersatu II 22 Oktober 2009 20 Oktober 2014 Susilo Bambang Yudhoyono Présidén 38 urang
41 Kerja 27 Oktober 2014 Petahana Joko Widodo Présidén 34 urang

Rujukan[édit | édit sumber]

  1. a b c d e f g h i j k l m n o p q r s t u v w x y z aa ab ac ad ae af ag Sadirman. 2009. Sejarah 3. Jakarta: Quadra
  2. Edu Penguin. 2014. Harapan Rakyat Kabinet Kerja Jokowi-JK & UUD 1945 (Amandemen). Tangerang: Edu Penguin