Wikipedia:WikiTeroka 4.0

Wilujeng Sumping dina kaca Pasanggiri WikiTeroka 4.0!

Komunitas Wikimédia Bandung baris ngayakeun pasanggiri WikiTeroka 4.0 kalawan judul WikiMekar (Wikipédia Ngamerdékakeun Artikel Daérah Administratip).

Pasanggiri ieu dilaksanakeun lantaran artikel ngeunaan daérah administratip (kota jeung kabupatén) di Wikipédia Sunda lolobana ngan ukur artikel taratas (rintisan) atawa artikel pondok. Sedengkeun kamekaran inpormasi ngeunaan daérah tuluy lumangsung nepi ka kiwari. Ku kituna Komunitas Wikimédia Bandung ngalaksanakeun ieu pasanggiri kalawan fokus ningkatkeun kualitas artikel ngeunaan kabupatén/kota di Jawa Kulon jeung Banten. Harepanna ngaliwatan ieu pasanggiri, kualitas artikel ngeunaan daérah administratip bisa leuwih hadé.

Tanggal penting

Pendaptaran jeung période tangtangan

1 – 28 Pébruari 2023

Surélék Wikimédia

bandung

wikimedia.or.id

Daptar di dieu!

Katangtuan Umum

Tangtangan ieu lumangsung di tanggal 1 – 28 Pébruari 2023.
Tangtangan ieu sipatna individu.
Anjeun wajib tumut kana kawijakan ruang ramah acara Wikimédia Indonésia.
Warga Nagara Indonésia (WNI) sarta cicing (domisili) di Indonésia.
Umur minimal 17 taun nalika tangtangan dibuka (1 Pébruari 2023).
Anjeun teu meunang miluan ieu pasanggiri, lamun:
- Jadi staf/konsultan/pengurus/pengawas Wikimédia Indonesia, Yayasan Wikimédia, sarta afiliasi Wikimedia lianna.
- Narima Hibah Pakét Internét, Dana Wiki anu eukeur aktip.
- Narima Béasiswa Daring atawa rojongan laptop sarta internét anu can nyumponan kawajibanna.
- Jadi pinunjul utama dina pasanggiri anu diayakeun ku Wikimédia Indonésia tilu taun ka tukang.
  - Wiki Jelajah 2.0
  - EUforia Wiki4Women
  - EUforia Wiki4HumanRights
  - Proyek Jatayu
  - Wiki Cinta Alam 2022
  - WikiKaleidoskop
  - Kompetisi WikiSource 2021 dan 2022
  - Kompetisi Penyajian Data 2022
  - Kompetisi Wikistories untuk GLAM
  - WikiGalir
Pinunjul ieu pasanggiri bisa milih hadiahna diserahkeun sacara langsung nalika kopdar komunitas atawa dikirim ka alamat nu tangtu. Saupama rék dibawa pas kopdar komunitas, panitia moal nanggung waragad transportasi jeung/atawa akomodasi.
Saupama anjeun aya kasusah dina hal téknis atawa kawijakan, Anjeun bisa ngirim surél ka bandungwikimedia.or.id. Anjeun ogé bisa ngajukeun patalékan di kaca sawala anu disadiakeun.
Panitia boga hak ngadiskualifikasi Anjeun saupama ngaganggu kalancaran ieu kagiatan.
Kawijakan panitia sipatna final sarta teu bisa diganggu gugat.

Cara miluan

Anjeun daptar di dieu
Anjeun nulis sarta ngamekarkeun artikel ngeunaan kabupatén atawa kota di Jawa Kulon atawa Banten
Saenggeus ngemakerkeun artikel, anjeun ngeusian formulir konfirmasi pengembangan artikel di dieu
Panitia bakal mariksa artikel anjeun sarta méré saran saupama éta artikel kudu dibenerkeun. Lamun artikel anjeun geus ditarima, panitia bakal nyatet poin jeung waktu ngédit artikelna.
Panitia bakal ngumumkeun update akumulasi poin pamilon ngaliwatan akun resmi Instagram Wikipédia Sunda saminggu sakali.

Katangtuan

Pamilon meunang poin saupama ngamekarkeun artikel kabupatén/kota di Jawa Kulon atawa Banten kalawan katangtuan ieu.

Unggal paragrap anu ditulis wajib make minimal hiji rujukan anu bisa dipercaya, ditulis maké kaidah basa Sunda anu hadé tur bener. Perhatikeun tanda baca, hurup déngdék, éjahan, jeung kapitalisasi. Artikel ogé kudu ditulis maké basa loma.
Wajib méré rujukan anu bener unggal nambahan kontén. Saupama maké rujukan ti situs wéb warta/média massa, wajib maké situs wéb anu boga redaksi nu jelas.
Wajib nambahkeun gambar. Gambar bisa ditéang di Wikimédia Commons. Pikeun katangtuan jumlahna bakal dipedar di sistem pangajénan.
Salian nambahkeun kontén mangrupa paragrap jeung gambar, pamilon dianjurkeun pikeun nambahkeun kotak inpo sarta paragrap anu patali jeung lima subjudul: Sajarah, Géografi, Démografi, Ékonomi, sarta Budaya.
Baé narjamahkan artikel ti Wikipédia basa Indonésia atawa Inggris, tapi lain hasil tarjamahan mesin.
Pamilon bisa ngembangkeun leuwih ti hiji artikel
Anu jadi pinunjul dina ieu pasanggiri nyaéta anu bisa ngumpulkeun poin paling loba.
Kontén anu teu nyumponan katangtuan moal diitung ku panitia.
Henteu ngalakukeun plagiarisme.

Sistem pangajénan (penilaian)

Supaya meunangkeun 10 poin, pamilon nambahkeun kontén anu lobana 10.000 bita sarta 3 gambar. Kelipatan 10.000 bita éta ngan lumaku dina hiji artikel sarta teu bisa dijumlahkeun jeung artikel séjén

Ieu babaraha conto kasus.

Pamilon X ngédit di artikel Kota A 15.000 bita jeung di Kota B 15.000 bita, mangka pamilon A meunang 20 poin (teu jadi 30 poin, lantaran sanajan total éditanna 30.000 bita, tapi pamilon ngan nambahkeun 15.000 bita dina unggal artikelna)
Pamilon Y ngédit di artikel Kota C 29.000 bita, pamilon Y meunang 20 poin.
Pamilon Z ngédit di artikel Kota A 7.000 bita jeung Kota B 3.000 bita, mangka pamilon Z teu meunang poin lantaran euweuh hiji-hiji acan artikel anu dijieunna anu geus nepi 10.000 bita.

Hadiah

Hadiah pikeun pamilon anu meunangkeun ieu pasanggiri nyaéta:

Pinunjul 1: Ponsél pintar hargana Rp2.200.000
Pinunjul 2: Ponsél pintar hargana Rp2.000.000
Pinunjul 3: Ponsél pintar hargana Rp1.800.000
Pinunjul 4-6: Voucer hargana Rp800.000

Agenda

Tanggal	Kagiatan	Catetan
1-24 Pébruari 2023	Pendaptaran pamilon	Formulir pendaptaran geus dibuka.
1-28 Pébruari 2023	Période pelaksanaan kompetisi	Panitia bakal mantau jalanna pasanggiri sarta ngajawab patalékan ti pamilon.
7-28 Pébruari 2023	Penilaian artikel	Artikel anu geus dikumpulkeun pamilon diajén ku panitia.
4 Maret 2023	Béwara pinunjul	Béwara sacara daring di média sosial.
11 Maret 2023	Penyerahan hadiah	Penyerahan hadiah sacara luring dina acara kopdar komunitas.

Daptar artikel

Jawa Kulon

Banten

Anjeun bisa ngabéjaan kontribusi anjeun dina ieu tutumbu:

Konfirmasi di dieu!