432 – Saint Patrick diculik ti imahna di Inggris ku bajak laut, dijadikeun budak beulian di Irlandia.
1560 – Bénténg Coligny di Pulo Villegagnon di Rio de Janeiro diserang jeung diancurkeun ku Portugis nalika kampanye militerna ngalawan Perancis Antartika.
1677 – Pangepungan Valenciennes wanci Perang Perancis-Walanda, lekasan ku hasilna Perancis ngarebut kota éta.
1776 – Révolusi Amérika: Pangepungan Boston réngsé nalika Tentara Inggris ngévakuasi pangeusi Boston ka Nova Scotia.
1948 – Bélgia, Perancis, Luksemburg, Walanda jeung Inggris naréken Perjangjian Brussel, cikal bakal kana Perjangjian Atlantik Kalér nu bakal ngadegkeun NATO.
1950 – Panaliti di Universitas California, Berkeley, ngabéwarakeun dijieunna unsur ka-98, “californium”.
1957 – Hiji pasawat murag di Cebu, Philipina, nelasan Présidén Philipina Ramon Magsaysay katut 24 urang lianna.
1969 – Golda Meir jadi PM awéwé Israél nu munggaran.
1973 – Photo nu meunangkeun Hadiah PulitzerBurst of Joy dicokot, ngagambarkeun manten tahanan perang dipanggihkeun deui jeung kulawargana, jadi simbul réngséna ilibiung AS dina Perang Viétnam.
1988 – Pasawat jét Kolombia, Boeing 727, murag di sisi gunung di deukeut wates Vénezuéla, nelasan 143 jalma.
1988 – Perang Kamerdékaan Éritréa: Komando Nadew, korp tentara Éthiopia di Éritréa, diserang ku Front Pangbébasan Rakyat Éritréa, minangka aksi bubuka dina Patempuran Afabet.
1992 – Kadutaan Israél di Buenos Aires diserang ku bom mobil, nelasan 29 jalma sarta nyideraan 242 lianna.
1992 – Réferéndum pikeun mungkas apartheid di Afrika Kidul ngaluarkeun hasil 68,7% banding 31,2%.
2000 – Lima ratus tilu puluh anggota panyembahan Pagerakan Réstorasi tina Sapuluh Paréntah Gusti di Uganda maraot dina hiji kahuruan, diangkeuh minangka maéhan manéh masal nu dirancang pamingpinna. Di tempat séjénna, 248 anggota lianna kapanggih maraot ogé.
2003 – Robin Cook, Sekertaris Nagara Urusan Luar Nagri jeung Pasamakmuran, mundur tina Kabinét Inggris alatan teu panuju kana rencana pamaréntah ngilu ilibiung dina serangan ka Irak.
2004 – Pakéwuh di Kosovo: Leuwih ti 22 urang maraot sarta 200 taratu. Tilu puluh lima kuil Ortodoks Sérbia jeung dua masjid alancur.
