Wikipedia:Keur lumangsung/Oktober 2007

2 Oktober 2007 (Salasa)

Perdana Mentri United Kingdom Gordon Brown datang di Bagdad dina raraga munggarannana ngalongok Irak. (BBC) Lini nu kacida kuatna narajang basisir kulon Sumatra di Indonesia ngondang peringetan ayana bahya sunami. (AP)

4 Oktober 2007 (Kemis)

Badan warta ngalaporkeun yen pupuhu Korea Kaler jeung Korea Kidul geus sapuk pikeun ngayakeun sawala jeung Republik Rahayat China sarta Amerika Sarikat pikeun ngahontal persetujuan perdamean permanen nu mungkas Perang Koréa sacara resmi. (Reuters) Malcolm Turnbull, Mentri Lingkungan Federal Australia, nyatujuan Pabrik Pulp Léngkob Tamar Gunns tapi kalayan daptar tambahan tina kondisi nu kudu aya. (News Limited) Operasi nyalametkeun dimimitian pikeun 3.200 urang panambang emas nu kajebak di Elandsrand, Afrika Kidul. (AFP via News Limited)

5 Oktober 2007 (Jumaah)

Artis eurodance urang Swédia Anneli "Pandora" Magnusson ditungtut alatan sababaraha akun keur nyingkahan mayar pajeg. (Aftonbladet) Saudi Arabia ngembarkeun yen bakal mariksa sistim pangadilannana kaasup nyieun mahkamah agung, pangadilan banding jeung pangadilan umum anyar pikeun ngaganti Dewan Pangadiln Agung. (BBC) SELENE, panyilidik bulan Jepang, hasil tepi ka orbit sabudeureun bulan. (AP via NYT)

8 Oktober 2007 (Senén)

Mario R. Capecchi, Oliver Smithies, jeung Sir Martin J. Evans meunang Pangajén Nobel dina Tatamba taun 2007 keur karyana dina sél punca. (AGI)

9 Oktober 2007 (Salasa)

Jepang nambahan sangsi ka Korea Kaler, alatan saeutikna kamekaran dina bantrok ngeunaan diculikna warga nagara urang Jepang. (BBC) Présidén Prancis Nicolas Sarkozy indit ka Moskow pikeun manggihan Présidén Rusia Vladimir Putin. (AFP via Google)

10 Oktober 2007 (Rebo)

Sheikh Muszaphar Shukor jadi astronot Malaysia munggaran dina misi ka Stasion Antariksa Internasional. (BBC) Lini 4.8 skala Richter karekam di Kiduleun Katanning, Australia Kulon sarta karasa nepi ka Perth, Australia Kulon. (ABC)

15 Oktober 2007 (Senén)

Leonid Hurwicz, Eric S. Maskin jeung Roger B. Myerson diumumkeun minangka nu meunang Pangajén Nobel dina Ékonomi taun 2007 ku yasana dina nerapkeun pondasi tiori disain mékasinme. (Nobelprize.org)

16 Oktober 2007 (Salasa)

Panulis urang Irlandia Anne Enright meunang Pangajén Man Booker 2007 keur novelna The Gathering. (BBC News) Libya, Vietnam, Burkina Faso, Kroasia jeung Kosta Rika kapilih jadi anggota Déwan Kaamanan PBB. (BBC News) Perdana Mentri India Manmohan Singh nyarita ka Présidén Amérika Sarikat George W. Bush yén India moal daek nanda tangan perjangjian jeung Amérika Sarikat dina kerja sama nuklir sipil. (The Sydney Morning Herald)

17 Oktober 2007 (Rebo)

Perdagangan di BSE Sensex Bursa Éfék Bombay dieureunkeun buru-buru sanggeus ayana panurunan 9% di pasar. (BBC)

18 Oktober 2007 (Kemis)

BBC ngembarkeun PHK 1,800 urang karyawanna minangka bagéan tina restruksturisasi keur ngeusian turunna £2 miliar (US$4 bn) alatan pangbéayaan ku Pamarentah Britania nu leuwih handap ti nu diperkkirakeun. (AFP via Google) Saeutikna opat urang palastra dina tilu poé perang antar suku deukeuteun panambangan Grasberg di Papua, Indonesia. (BBC)

24 Oktober 2007 (Rebo)

China ngaluarkeun pangorbit bulan munggarannana, Chang'e 1, keur misi eksplorasi ka bulan. (BBC)

25 Oktober 2007 (Kemis)

30 urang palastra dina bitu gede deukeuteun gurat pulisi di Mingora di Swat, Pakistan (AndhraNews.net)

31 Oktober 2007 (Rebo)

Alcatel-Lucent ngembarkeun rarancang keur méhaka 4,000 urang. (Reuters) Pandita Buda mulang deui ka jalan di Burma keur munggarannana sanggeus bantrok nalika protes bulan ka tukang. (BBC)