Wikipedia:Keur lumangsung/Désémber 2006

1 Désémber 2006 (Jumaah)

Komandan militér Fiji Frank Bainimarama nyarita yén anjeunna boga maksud ngamimitian kampanye "pameresihan" Pamaréntah ayeuna alatan deadline-na geus kaliwat. (NZ Herald)

4 Désémber 2006 (Senén)

Kevin Rudd kapilih jadi pupuhu anyar Partéy Buruh Australia Féderal nu mana rapat milih anjeunna kalayan 49 sora sarta 39 sora keur Kim Beazley. Julia Gillard jadi pupuhu deputi anyar. (The Age) Tentara Fiji ngambil alih markas besar divisi pulisi, nu nempatan stasiun pulisi utama di Suva, sarta ngepung salah sahiji akademi pulisi dina ningkatna alur carita kup Fiji 2006. (The New Zealand Herald) The New York Times ngritik Wikipédia basa Cina anu nutupan artikelna ngeunaan Mao Zedong, Tiananmen Square massacre, Great Leap Forward jeung Cultural Revolution. (The New York Times) Pamaréntah Iran ngablok Wikipédia, diantara sababaraha loka aku komérsil jeung informatif. (The Guardian}

5 Désémber 2006 (Salasa)

Perdana Mentri Fiji Laisenia Qarase ngawanti-wanti yén moal lila deui Fiji nyanghareupan anceman kup alatan tentara nu dilaporkeun geus ngepung kompléksna. (BBC)

6 Désémber 2006 (Rebo)

NASA ngumumkeun konferensi pérs husus dina poé Rebo, 6 Désémber, mertimbangkeun gambar nu anyar kénéh nuduhkeun ayana cai di pabeungeutan Mars. (NASA) Dewan Pimpinan Pusat Partéy Golongan Karya ngaharepkeun Yahya Zaini mundur tina kaanggotaannana di DPR nyusul mundurna anjeunna tina Ketua Bidang Kerohanian DPP Partéy Golkar jeung Sekretaris Fraksi Partéy Golkar. Mundurna Yahya Zaini nyusul adegan panas na pidangan vidio sareng artis dangdut, Maria Eva. (kompas)

7 Désémber 2006 (Kemis)

Kudéta Fiji 2006: Great Council of Chiefs Fiji nyalahkeun kudéta sarta manggil pupuhu kup Frank Bainimarama pikeun ngeureunan aktivitasna. Déwan ieu nolak papanggih jeung Frank. (ABC News Australia) Ayatullah Agung Fazel Lankarani di Iran ngaluarkeun fatwa pikeun maéhan Rafiq Tagi Azeri, panulis, jeung Samir Sadagatoglu, éditorna , nu dihukum dina Novémber 2006 alatan "ngahasut kangéwa nasional, rasial jeung ageman" sanggeus maranéhannana ngritik Islam. (EurasiaNet)

8 Désémber 2006 (Jumaah)

Perang urang Étiopia di Somalia: Militér Somalia jeung Étiopia ngalawan Islamic Court Union di Somalia. (BBC)

9 Désémber 2006 (Saptu)

Kudéta Fiji 2006: Média ngalaporkeun yén témbakan nu kadéngé deukeuteun barak militér di Suva geuningan lain nanaon iwal ti alatan kaulinan cricket. (AFP via OptusNet) Seuneu di rumah sakit nu ngarawat korban obat-obatan di Rusia niwaskeun 42 urang, disangka alatan ngahaja dibeuleum. (CNN)

10 Désémber 2006 (Minggu)

Mantan diktator Chili Augusto Pinochet pupus. (The New York Times) (CNN)

11 Désémber 2006 (Senén)

Walanda mungkas siaran televisi analog sarta jadi nagara munggaran nu pindah kana sinyal-sinyal digital. (AP) Manten pupuhu GAM Irwandi Yusuf kapilih jadi gubernur Nanggroe Acéh Darussalam, propinsi di Indonésia dina pamilu nu geus ngajadikeun bagéan tina perjangjian damé pikeun mungkas perang sipil. (Bernama) Perdana Mentri Fiji saméméhna Sitiveni Rabuka dibébaskeun tina dua tungtutan pemberontakan nu patali jeung pemberontakan kudéta Fiji 2000. (ABC News Australia)

12 Désémber 2006 (Salasa)

Pangadilan Étiopia mutuskeun yén manten présidén Mengistu Haile Mariam salah alatan génosida.(BBC) Klimatologis meringetkeun yén lolobana és di Arktik bakal leyur dina 2040 sarta Kutub Kalér bakal kaeléb ku cai. (The Times) Présidén Otoritas Paléstina, Mahmoud Abbas, nitah pasukan kaamanan pikeun nyebar sapanjang Jalur Gaza minangka tanggepan kana tiwasna tilu urang anak pupuhu kaamanan Fatah. (Reuters via ABC News Australia)

13 Désémber 2006 (Rebo)

Serangan bom jeung mortir niwaskeun 23 urang Irak sarta natuan saeutikna 52 urang di Baghdad jeung Kirkuk. (CNN)

14 Désémber 2006 (Kemis)

Sénator Amérika Sarikat Tim Johnson (Dakota Kidul) ngalaman bedah otak sanggeus keuna gejala nu kawas stroke. Lamun anjeunna teu bisa méréskeun bagian ieu, Gubernur Dakota Kidul ti Partéy Républik bisa ngaganti anjeunna, nu mana hal ieu poténsial bisa ngarobah kasaimbangan sénat. (CNN)

15 Désémber 2006 (Jumaah)

Angin topan narajang Kulon kalér Pasifik Amérika sapeupeuting, kalayan tiupannana dilaporkeun 97 mil per jam. Tilu urang tiwas di Washington, sarta nalika puncakna angin, kurang leuwih sayuta imah di Washington jeung leuwih ti 400,000 di wewengkon Portland pareum listrik. Bellingham Herald (Oregonlive) Asian Games 2006 resmi ditutup di Stadion Internasional Khalifa di Doha, Qatar nu bisa nampung 50.000 tempat diuk, nandaan ahir tina 15 poé pertandingan.Doha-2006 Pangandara Formula Hiji nu geus pangsiun Clay Regazzoni tiwas dina kacilakaan mobil nalika nyupiran Chrysler Voyager nabrak lori, di saluareun Parma, Italia. BBC

16 Désémber 2006 (Saptu)

Time nyebut "You" – kontributor user-generated content keur loka saperti YouTube jeung Wikipédia – minangka Person of the Year. (Time), (MSNBC). Christopher R. Hill, pupuhu négosiator AS dina sawala genep partéy ngeunaan program nuklir Koréa Kalér, ngumumkeun rencana pikeun badami jeung Koréa Kalér pikeun ngamimitian deui sawala poé Senén. (AFP via New Strait Times) Présidén Otoritas Nasional Paléstina Mahmoud Abbas ngayakeun pamilu législatif leuwih tiheula pikeun mungkas jalan buntu pikeun nyieun pamaréntah kesatuan nasional jeung partéy Hamas. (CNN)

17 Désémber 2006 (Minggu)

Présidén Iran Mahmoud Ahmadinejad nawarkeun pikeun ngabagi téhnologi nuklir Iran jeung nagara-nagara tatanggana. (Concorde Monitor) Newt Gingrich, manten juru wicara Déwan Perwakilan Rayat Amérika Sarikat, nyarita yén genep urang nu pakait jeung kontrovérsi Imam Hiber kudu "ditahan jeung ditungtut alatan condong jadi téroris." (UPI) Konflik Hamas-Fatah Désémber 2006: Lalaki topéngan maténi perwira angkatan élit nu satia ka Présidén Otoritas Nasional Paléstina Mahmoud Abbas dina serangan fajar di kam pelatihan Jalur Gaza nalika keur goréngna hubungan antara antara Hamas jeung Fatah. (Reuters) Kadua pihak nyarita yén maranéhna satuju pikeun ngayakeun gencatan pakarang. (Haaretz)(BBC) Bom di pipir jalan niwaskeun tilu urang tentara Angkatan Darat Amérika Sarikat sarta natuan sababaraha urang séjénna di beulah kalér Baghdad. (USA Today) Lalaki topéngan nu mawa pakarang nyulik urang pagawé 30 ti Red Crescent di Iraq nu mana genep pagawé tingkat handap tina organisasi éta satuluyna dibébaskeun. (CNN)

18 Désémber 2006 (Senén)

Uzbékistan ampir ngalipetkeun harga gas alam nu dijual ka Kyrgyzstan ti USD $55 jadi $100 (£51) per 1,000 méter kubik gas dina sajeroning tumuwuhna kategangan antara dua nagara ieu balukar tina tuduhan ngamata-mata. (BBC News) Ringkesan tina sawala genep partéy jeung Koréa Kalér sarta Amérika Sarikat ngeunaan program pakarang nuklir Koréa Kalér jadi "ngutub beuki jauh" dina posisi terbukana masing-masing. (CNN) Invéstigasi pembunuhan Ipswich 2006: Pulisi nahan lalaki umur 37 taun di Trimley St. Martin deukeuteun Felixstowe dina tuduhan maéhan lima urang pelacur. (BBC) (Guardian)

19 Désémber 2006 (Salasa)

Perang sipil di Somalia: Islamic Courts Union (ICU) Somalia nyaritakeun geus tutasna rencana pikeun merangan pasukan Étiopia nu sumebar di nagara éta sabab ultimatum tujuh poé keur Étiopia pikeun narik pasukannana geus deukeut kana deadline-na. (Aljazeera)

20 Désémber 2006 (Rebo)

Albania, Bulgaria, Bosnia jeung Hérzégovina, Kroasia, Moldova, Monténégro, Romania, Sérbia, Macédonia, jeung Kosovo nanda tangan Perjangjian Perdaganagn Bébas Éropa Tengah nu ngalegaan zona perdagangan bébasna nepi ka wétan kidul Éopa. (RadioFreeEurope/RadioLiberty)

21 Désémber 2006 (Kemis)

Ulama Muslim Abu Bakar Baasyir dibébaskeun ku Mahkamah Agung Indonésia tina tuduhan katerlibatannana dina bom Bali 2002. (News Limited)

22 Désémber 2006 (Jumaah)

Pesawat Luar Angkasa Discovery ngadarat kalayan aman di Puseur Angkasa Kennedy jam 5:32 p.m. EST (22:32 UTC), mungkas misi STS-116. Pesawat ieu méakkeun waktu 13 poé di angkasa sarta ngalongok Stasion Angkasa Internasional. (NASA)