Lompat ke isi

Chye Retty Isnendes

Ti Wikipédia Sunda, énsiklopédi bébas
(dialihkeun ti Chye Retti Isnendes)
Retty Isnendes
Chye Retty Isnendes
Chye Retty Isnendes
Gumelar2 Desember 1972
Sukabumi
PagawéanPangarang
KabangsaanIndonésia
GénréCarpon, Sajak, Esey
PasanganAsep Sutiadi

Chyé Rétty Isnéndés pituin urang Nagrak Sukabumi.[1] Lahir tanggal 2 Désémber 1972.[1] Panyajak, pangarang carita pondok, jeung panulis éséy dina basa Sunda.[1] TK, SD, Madrasah jeung SMP-na di Nagrak sarta SMA-na di Cibadak.[1] Taun 1993 miluan UMPTN tur lulus dina pilihan kahiji Jurusan Pendidikan Bahasa Daérah FPBS IKIP Bandung.[2] Mimiti resep nulis sajak ti SD kénéh (dina basa Indonésia), di SMP mimiti nulis sajak dina basa Sunda.[2] Taun 1994 sajak jeung carponna mimiti dipublikasikeun dina Manglé, satuluyna tulisan-tulisanana (utamana sajak-puisi) dimuat dina Turus, Galura, Kujang, Pikiran Rakyat, Bandung Pos, Galamédia, Cahara Bumi Siliwangi, jeung Balébat.[2] Nepi ka kiwari, nulis 200-an sajak, 75-an carpon, jeung dua novellet.[2] Éséyna mah can diitung.[2]

Préstasi-préstasina

[édit | édit sumber]

Kumpulan sajak-na nu mimiti Kidang Kawisaya (1999) meunang panglélér Hadiah Rancagé 2000.[1] Salian ti éta aya ogé sawatara panglélér lainna kayaning Diploma ti muséum Seni Anak dan Remaja Oslo-Norwégia taun 1991 (SMA) kana puisina Disasters, Pinunjul Nulis Sajak Sunda sa-Jawa Barat nu diayakeun ku HIMA PENSATRADA taun 1996, Penghargaan Pangarang Ngora ti Granesia (1996), Penghargaan Sirung Harepan ti Granesia (1997), Pinunjul I Baca Puisi (Indonésia) tingkat Mahasiswa/Umum ti IKAPI (1998), Piagem Sastra ti LBSS kana skripsina ‘Analisis Puisi Mantra di Kacamatan Nagrak Kabupaten Sukabumi’ (1998), Hadiah Sastra Rancagé ti Yayasan Rancagé nu dipupuhuan ku Ajip Rosidi, keur kumpulan sajakna Kidang Kawisaya (2000), pinunjul ngarang carita pondok nu diayakeun ku PPSS & Dinas Kebudayaan dan Pariwisata Propinsi Jawa Barat (2007), jeung Pinunjul nulis sajak Sunda nu diayakeun ku PPSS (2008).[2] Sawatara karya sastrana bacacar dina antologi-antologi (Sunda jeung Indonésia).[2] Sawatara sajak-sajakna dina Kidang Kawisaya dimusikalisasi ku Tangara Bulan, disanggi ku Adhika Nurkholiz Aziz jeung sajak ‘Bulan Tok-na’ disanggi ku Ari KPIN.[2] Nu Nyusuk dina Sukma mangrupa kumpulan sajakna nu kadua sanggeus Kidang Kawisaya.[2]

Referensi

[édit | édit sumber]
  1. ↑ a b c d e Tim Redaksi.2000.Ensiklopedi Sunda Alam, Manusia dan Budaya.Jakarta:Pustaka Jaya dan Yayasan Kebudayaan Rancage (id)
  2. ↑ a b c d e f g h i Isnendes,Chye Retty.2010.Nu Nyusuk dina Sukma.2010.Bandung:Daluang Publishing


Artikel ngeunaan sastra ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.


Daptar Sastrawan Sunda
Aam Amilia • Aan Merdéka Permana • Abdullah Mustappa • Acép Zamzam Noor • Achdiat Karta Mihardja • Adang S • Ayip Rosidi • Ahmad Bakri • Akub Sumarna • Apip Mustapa • Apung Supena Wiratmaja • Arthur S. Nalan • Ayatrohaédi • Béni Setia • Budi Rahayu Tamsyah • Cécép Burdansyah • Dadan Sutisna • Darpan • Dédén Abdul Aziz • Dédy Windyagiri • Dodong Djiwapradja • Duduh Durahman • Dyah Padmini • Eddy D. Iskandar • Elin Syamsuri • Étti R.S. • Godi Suwarna • Hadi AKS • Hasan Wahyu Atmakusumah • Hawé Setiawan • Hérmawan Aksan • Hidayat Suryalaga • Holisoh M.E • Iskandarwassid • Jeihan • Juniarso Ridwan • Karna Yudibrata • Karno Kartadibrata • Ki Umbara • Kis WS • M.A. Salmun • Méméd Sastrahadiprawira • Moch. Ambri • Nanéng Daningsih • Ningrum Djulaéha • Nano. S • Nazarudin Azhar • Popon Saadah • Rahmat M.A.S • Rahmatullah Ading Affandie (RAF) • Ramadhan K.H • Rustandi Kartakusuma • Saéful Badar • Saini K.M. • Sajudin Natadisastra • Samsoedi • S.M. Ardan • Soni Farid Maulana • Sunarya P.K. • Syarif Amin • Tatang Sumarsono • Taufik Faturohman • Téddi Muhtadin • Tini Kartini • Usép Romli • Us Tiarsa • Wahyu Wibisana • Yayat Héndayana • Yooke Tjuparmah • Yoséph Iskandar • Yuhana • Yus Rusamsi • Yus Rusyana
Dicomot ti "https://su.wikipedia.org/w/index.php?title=Chye_Retty_Isnendes&oldid=487410"