1557 – Tua Suku Mapuche, Lautaro, ditelasan ku pasukan Spanyol dina Patempuan Matquito di Chili.
1789 – Dina balkon Balé Féderal di Wall Street, Kota New York, George Washington dicokot sumpahna minangka présidén kapilih Amérika Sarikat nu kahiji.
1803 – AS meuli wilayah Louisiana ti Perancis saharga $15 juta.
1838 – Nikaragua nyatakeun merdéka ti Féderasi Amérika Tengah.
1863 – Genep puluh lima urang Patroli Infantri Légiun Perancis tempur ngalawan 2.000 urang soldadu Méksiko, kadeseh tur kasoran di Hacienda Camaron, Méksiko.
1871 – Pangbantéyan urang Indian Apache di Panampungan Grant di wilayah Arizona lumangsung.
1885 – Réservasi Niagara disahkeun ku Gupernur New York, David B. Hill.
1897 – J. J. Thomson ti Laboratorium Cavendish ngabéwarakeun panimuan éléktron minangka partikel sub atom, dina hijia kuliah di Institut Karajaan di London.
1900 – Hawaii jadi wilayah AS, Sanford. B Dole minangka gupernurna.
1938 – Kartun animasi pondok, Porky's Hare Hunt munggaran dipintonkeun di bioskop, ngawanohkeun Happy Rabbit, hiji vérsi awal ti Bugs Bunny.
1943 – Perang Dunia II: Kapal selam Inggris, HMS Seraph laju dina beungeut cai di deukeut Huelva pikeun mintonkeun jalma paéh nu dibajuan minangka kurir, api-apina méh siga nu niat rék nyieun serangan.
1945 – Perang Dunia II: Adolf Hitler jeung Eva Braun nelasan manéh sabada kawin kurang ti 40 jam. Soldadu-soldadu Soviét ngélébétkeun bandéra kameunangan di saluhureun Gedong Reichstag.
1945 – Perang Dunia II: Kémp tawanan perang Stalag Luft I di deukeut Barth, Jérman dibébaskeun ku soldadu Soviét, ngaleupaskeun ampir kana 9.000 pasukan udara Amérika jeung Inggris.
1957 – Konvénsi Tambahan tina Larangan Perbudakan mimiti lumaku.
1961 – K-19, kapal selam Soviét munggaran nu dilengkepan ku pakarang nuklir mimiti dioperasikeun.
1963 – Boykot Beus Bristol lumangsung di Bristol pikeun protés ka Pausahaan Omnibus Bristol nu nolak ngagawékeun urang Hideung atawa Asia minangka kru beus, narik perhatian nasional ngeunaan diskriminasi ras di Karajaan Inggris.
1967 – Munara Ostankino, pangjangkungna adegan wanci harita ku 540 m, réngsé diwangun di Moskow, Rusia.
1973 – Skandal Watergate: Présidén AS Richard Nixon ngabéwarakeun yén Konsul Gedong Putih John Dean geus dipecat ogé pangbantu-pangbantu luhur lianna geus malalundur, nu pangkakoncarana H.R. Haldeman jeung John Ehrlichman.
1975 – Runtuhna Saigon: Pasukan Komunis Viétnam ngawasa di Saigon. Perang Viétnam sacara rasmi réngsé ku nyerahna présidén Viétnam Kidul, Dương Văn Minh, kalayan tanpa syarat.
1980 – Pangepungan Kaduataan Iran di London dimimitian.
1982 – Pangbantéyan Bijon Setu lumangsung di Kalkuta, India.
1989 – World Wide Web (WWW) munggaran dipedalkeun dina domain publik ku élmuwan CERN, Tim Berners-Lee.
1994 – Tukang balap mobil Formula Hiji, Roland Ratzenberger nemasing mati dina hiji kacilakaan nalika sési kualifikasi di Grand Prix San Marino.
2004 – Média AS medalkeun photo-photo gambar soldalu AS keur nyiksa jeung ngalécékeun sacara séksual ka tahanan Irak di Panajara Abu Ghraib.
2008 – Dua sésa-sésa rorongkong katimu di deukeut Yekaterinburg, Rusia, dipuguhkeun ku élmuwan Rusia minangka Alexei jeung Anastasia, dua anak-anak Tsar Rusia pamungkas nu sakabéh kulawargana ditelasan ku Kaum Bolshewik.
2009 – Chrysler ngajukeun bangkrut (Bab XI kabangkrutan)
2009 – Tujuh urang sipil jeung saurang palakuna maraot sarta sapuluh urang lianna cidera dina pawéi Poé Ratu di Apeldoorn, Walanda, dina hiji usaha panelasan ka Ratu Beatrix.
2012 – Hiji féri nu kaleuwihan panumpang tibalik di Leuwi Brahmaputra di India, nelasan saheunteuna 103 jalma.
2013 – Willem-Alexander diistrénan minangka raja Walanda sabada reureuhna Beatrix.
2013 – Tilu welas jalma palastra sabada hiji bom ngajelegur di Damaskus.
2014 – Hiji bom ngabeledug di Ürümqi, Cina, nelasan tilu jalma jeung nyideraan 79 lianna.
2018 – Pangkolot-kolotna lancah di dunia, sakadang lancah panto bikang, paéh alatan diseureud éngang di Australia Kulon, umurna 43 taun.
2019 – Kaésar Jepang Akihito ngabéwarakeun turun tahtana dina hiji upacara di Tokyo, nu bakal sacara rasmi lumaku poé isukna.
2019 – Tipe anyar déménsia kanyahoan sarta dingaranan limbic-predominant age-related TDP-43 encephalopathy (Late) sabada saméméhna salah ka diagnosis minangka panyakit Alzheimer.
