1979 – Diktator Uganda, Idi Amin disingkirkeun, ku alpukahna Pasukan Tanzania ngarebut Kampala. Idi Amin kabur ka Libya.
1981 – Kakacoan di Brixton, kiduleun London, ngakibatkeun ampir 300 pulisi cidera sarta 65 rahayat sipil tatu parna.
1986 – Tétémbakan FBI Miami: Hiji campuh sanjata pabeubeurang di jalanan di Dade County, Florida, antara dua parampog bank nu nunggang mobil anti peluru jeung agén-agén FBI nu marerikna. Dina tétémbakan éta, agén FBI Benjamin P. Grogan jeung Jerry L. Dove perlaya sarta lima urang lianna cidera. Minangka hasilna, pélor .40 S&W dimekarkeun.
2001 – Kru pasawat AS EP-3E nu ngadarat di Hainan, Cina, sabada kapalna tabrakan jeung pasawat tempur J-8, dibarébaskeun.
2002 – Pangeboman Sinagog Ghriba di Tunisia, nelasan 21 jalma.
2002 – Leuwih ti dua ratus rébu jalma ngabandalet di Karakas ka istana présidén pikeun nungtut mundurna Présidén Hugo Chavez. Salapan belas di antarana kapaténi.
2006 – Présidén Iran Mahmoud Ahmadinejad ngabéwarakeun pangakuan Iran nu geus hasil mekarkeun uranium.
2007 – Pangeboman Aljazair: Dua pangeboman di Aljazair nelasan 33 jalma sarta nyideraan 222 urang lianna.
2011 – Hiji beledugan di Metro Minsk, Belarusia, nelasan 15 jalma sarta nyideraan 204 lianna.
2012 – Sapasang lindu lumangsung di Basin Wharton di kuloneun Sumatra, Indonésia. Sapuluh urang palastra sarta dua belas taratu, ogé tsunami nu teu pati bahaya kajadian di Pulo Nias.
2015 – Barack Obama jeung Raúl Castro masamoan di Panama, patemon munggaran antara pupuhu kadua nagara éta ti saprak Révolusi Kuba.
2018 – Pasawat Ilyushin Il-76 nu dipimilik jeung dioperasikeun ku AU Aljazair murag di deukeut Boufarik, Aljazair, nelasan 257 jalma.
2019 – Nu ngadegkeun WikiLeaks, Julian Assange dipaksa kaluar ti kadutaan Ékuador di London ku pulisi sarta tuluy ditahan alatan teu bisa ngahadiran pangadilan ku dakwaan ékstradisi AS.
2019 – Présidén Sudan Omar al-Bashir dirubuhkeun sarta ditahan ku tentara di Khartoum, sabada ngawasa salila 29 taun.
