10 April
Loncat ke navigasi
Loncat ke pencarian
| ||||||||||||||||||||||||||||||||||||||||||||||||||||||||
10 April nyaéta poé ka-100 dina sataun (ka-101 dina taun kabisat) dina kalénder Gregorian, sésana 265 poé.
Kajadian[édit | édit sumber]
- 837 – Komét Halley ngaliwat sadeukeuteun bumi.
- 1500 – Ludovico Sforza ti Milan kacerek ku tentara Swiss sarta disérénkeun ka Perancis.
- 1606 – Pausahaan Virginia London diadegkeun ku James I ti Inggris, tujuanna pikeun ngadegkeun padumukan kolonial di Amérika Kalér.
- 1710 – Aturan Anne, hukum munggaran nu ngatur hak cipta, lumaku di Inggris Raya.
- 1809 – Perang Napoléon: Perang Koalisi Kalima dimimitian nalika Karajaan Austria nyerang Bavaria.
- 1815 – Gunung Api Tambora ngamimitian bitu nu lumangsung salila tilu bulan, réngsé nepi ka tanggal 15 Juli. Pamustunganna 71.000 jalma maraot sarta mangaruhan iklim bumi salila dua taun kahareupna.
- 1821 – Patriak Gregory V ti Konstantinopel digantung ku pamaréntahan Turki Utsmani.
- 1826 – Sapuluh rébu urang pangeusi Kota Missolonghi Yunani ngamimitian ninggalkeun kota éta sabada dikepung ku pasukan Turki salila sataun.
- 1849 – Panitih dipaténkeun ku Walter Hunt; hakna kajual $400.
- 1866 – Masyarakat Amérika pikeun Panyegahan Kakasaran ka Sato (ASPCA) diadegkeun di Kota New York ku Henry Bergh.
- 1868 – Di Arogee, Habasyah, pasukan Inggris jeung India ngéléhkeun tentara Raja Tewodros II. Harita 700 urang Éthiopia palastra sarta réa deui taratu, sedengkeun ti pihak Inggris/india ngan duaan nu maraot.
- 1912 – RMS Titanic miang balayar ti Southampton, Inggris, pikeun kala munggaran tur pamungkasna.
- 1916 – Asoisasi Pamaén Golf Profesional Amérika (PGA) diadegkeun di Kota New York.
- 1919 – Pamingpin Révolusi Méksiko, Emiliano Zapata diserang tur ditémbak nepi kahanteuna ku pasukan pamaréntah di Morelos.
- 1941 – Perang Dunia II: Kakuatan Axis ngadegkeun Nagara Indepénden Kroasia.
- 1963 – Saratus dua puluh salapan palaut Amérika tilar dunya nalika kapal selam AS Thresher tilem di laut.
- 1968 – TEV Wahine, kapal féry Selandia Anyar tilelep di Palabuan Wllington alatan badéy tohaga – panggedé-gedéna angin nu kungsi narajang Wellington. Tina 734 jalma di luhureunna, 34 maraot.
- 1970 – Paul McCartney ngabéwarakeun yén manéhna kaluar ti The Beatles ku alesan pribadi jeung profésional.
- 1971 – Diplomasi Ping pong: Dina usahana pikeun nyairkeun hubungan jeung AS, Cina ngundang tim ténes méja AS salila saminggu.
- 1972 – Kuburan-kuburan nu dieusi ku gulungan awi, di antarana Seni Perang Sun Tzu jeung arsip militer Sun Bin nu leungit sacara teu kahaja katimu ku pagawé konstruksi di Shandong.
- 1973 – Pasawat Maskapai Internasional Invicta 435 murag dina hiji badéy salju nalika ngadeukeutan ka Basel, Swiss, nelasan 108 jalma.
- 1979 – Tornado Leuwi Beureum: Hiji tornado narajang di Wichita Falls, Texas, nelasan 42 jalma.
- 1988 – Panampungan Ojhri ngabeledug di Rawalpindi jeung Islamabad, nelasan atawa nyideraan leuwih ti 1.000 jalma.
- 1991 – Kapal féri Italia MS Moby Prince tabrakan jeung hiji kapal ténker dina kabut kandel di saluareun Livorno, Italia, nelasan 140 jalma.
- 1998 – Pasini Jum’at Hadé ditaréken di Irlandia Kalér ku Karajaan Inggris, Républik Irlandia jeung kelompok-kelompok pulitik di Irlandia Kalér.
- 2010 – Pasawat AU Polandia Tu-154M murag di deukeut Smolensk, Rusia, nelasan 96 jalma kaasup Présidén Polandia Lech Kaczyński, pamajikanna sarta réa deui pajabat senior jeung patinggi lianna.
- 2016 – Kacilakaan Kuil Paravur di India nu dialatankeun ku ngabeledugna kembang api nu disimpeun pikeun kariaan Vishu, nelasan leuwih ti saratus tina rébuan jalma nu ngarumpul dina poé katujuh pamujaan Bhadrakali.
- 2019 – Para élmuwan Proyék Kagiatan Teleskop Horison ngabéwarakeun gambar munggaran tina lobang hideung nu aya di tengah-tengah galaksi M87.
- 2019 – Spésiés anyar manusa nu katelah Homo luzonensis, jangkungna tilu kaki, umurna 50-60.000 taun katimu di guha di Pulo Luzon, Philipina.
Nu babar[édit | édit sumber]
- 1794 – Matthew C. Perry, komodor Amérika (td. 1858)
- 1929 – Max von Sydow, aktor Swédia (td. 2020)
- 1948 – Fauzi Bowo, gupernur DKI Jakarta ka-13
- 1952 – Steven Seagal, aktor Amérika
- 1973 – Roberto Carlos, pamaén bola Brasil
- 1977 – Ade Namnung, komédian Indonésia (td. 2012)
- 1979 – Rachel Corrie, aktipis Amérika (td. 2003)
- 1986 – Vincent Kompany, pamaén bola Bélgia
- 1992 – Sadio Mané, pamaén bola Sinegal
- 1992 – Daisy Ridley, artis Inggris
Nu pupus[édit | édit sumber]
- 1806 – Horatio Gates, jéndral Amérika (l. 1727)
- 2010 – Panumpang Pasawat Tu-154M Polandia
- Ryszard Kaczorowski,présidén Polandia kagenep (l. 1919)
- Maria Kaczyńska, Ibu nagara Polandia (l. 1942)
- Lech Kaczyński, présidén Polandia kaopat (l. 1949)
Poé peré / poé panginget-nginget[édit | édit sumber]
Tumbu luar[édit | édit sumber]
| ||||||||||||||||||||||||||||||||||||||||||||||||||||||
|
Artikel ngeunaan kalénder ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
