Wikipedia:Keur lumangsung/Agustus 2007

1 Agustus 2007 (Rebo)

Sasak I-35W di Walungan Mississippi Sasak di Minneapolis, Minnesota, ngagebro ka Walungan Mississippi nalika meumeujeuhna rame wanci pasosore, niwaskeun saeutikna genep urang. (Star-Tribune) (CNN) 18 urang militan tiwas ku soldadu Pakistan di deukeuteun checkpoint Banda di Waziristan Kalér, Pakistan. (AndhraNews.net)

2 Agustus 2007 (Kemis)

Ékspédisi Rusia ka Kutub Kalér 2007: Dua kapal silem leutik Rusia geus nepi ka dasar sagara di sahandapeun kutub kalér dina misi nu tujuannana pikeun ningkatkeun pangakuan Moskow ka Arktik. (BBC) Bandéra Selandia Anyar Selandia Anyar ngaluarkeun bahan beuleum hayati (biofuel) munggaran nu sadia sacara komérsil, diwangun tina 90 persén béngsin jeung 10 persén bioétanol nu dijieun tina susu sapi. (AFP via The China Post) Lini leupas basisir Samudra Pasifik kajadian di basisir Vanuatu nu gedena 7.2 skala Richter tapi henteu nyababkeun sunami. (TV3 New Zealand) Kaulinan jieunan Mattel jeung Fisher-Price diceluk ti sakumna dunya alatan kamungkinan mibanda loba teuing timah dina cétna. (ABC News Australia) Koréa Kidul ngeureunkeun sapi impor ti Amerika Sarikat alatan kapanggihna bagean nu terlarang dina pangiriman terahir. (AP via Forbes) Wartawan di nagara bagian Manipur, India nolak ngaluarkeun koran minangka protes kana anceman ti kelompok nu baruntak. (BBC) Lini 6.7 Skala Richter narajang beh kidul Sakhalin di basisir Rusia nyababkeun palastra. Lini ieu oge ngabalukarkeun sunami leutik nu narajang basisir Hokkaido di Jepang. (Russian News and Information Agency)

3 Agustus 2007 (Jumaah)

Caah usum hujan nyababkeun yutaan urang leungiteun imahna di India, Nepal jeung Bangladésh kalayan nu palastrana wae geus 65 urang di Bangladesh wungkul. (BBC/AFP via ABC News Australia) Kelompok nu baruntak di Darfur ngayakeun sawala di Tanzania nu diluluguan ku PBB jeung Uni Afrika keur mereskeun pacekcokan. (BBC)

4 Agustus 2007 (Saptu)

Diluncurkeunnana Phoenix Mars Lander NASA ngaluncurkeun Phoenix Mars Lander nu diperkirakeun bakal badarat di Planum Boreum di Martian, Mars taun hareup. (AP via Washington Post) Sistim Walungan Gangga bakal geura lumangsung pikeun nyanghareupan caah nu geus ngabalukarkeun 20 yuta urang leungiteun imah di Nepal, India jeung Bangladésh. (ABC News Australia) Sapuluh urang militan jeung opat urang soldadu Pakistan palastra nalika bantrok di Waziristan Kaler deukeuteun wates Afganistan. (BBC)

5 Agustus 2007 (Minggu)

Bom mortir narajang pom béngsin di wetan Baghdad niwaskeun saeutikna salapan urang sarta natuan 11 urang. (Reuters via ABC News Australia) Tilu puluh opat pagawe nu ngawangun torowongan karéta api di Propinsi Hubei, China kajebak 200 meter di handapeun taneuh akibat taneuh urug. (AFP via News Limited)

6 Agustus 2007 (Senén)

Sir Michael Somare ti Partéy Aliansi Nasional ngawangun koalisi jeung genep baturna nu bakal jadi pamaréntah Papua Gini Anyar nu bakal datang. (Radio New Zealand) Caah di Lagos, Nigeria, ngabalukarkeun ratusan urang kaluar ti imahna sarta genep urang leungit. (Reuters via Press TV) Panyilidik ti Badan Tanaga Atom Internasional nguji Pembangkit Daya Nuklir Kashiwazaki-Kariwa di Jepang. (AFP via ABC News Australia) Jepang nandaan milangkala ka-62 bom atom Hiroshima. (Reuters via Washington Post)

7 Agustus 2007 (Salasa)

Nonoman di Timor Wétan nyerang soldadu Angkatan Darat Australia jeung anggota PBB nyusul bewara yen Xanana Gusmao bakal jadi Perdana Mentri. (News Limited) Majalah Fortune ngadaptar pangusaha Méksiko, Carlos Slim minangka jalma pangjegudna di dunya leuwih ti nu ngadegkeun Microsoft, Bill Gates. (BBC) Soldadu Pakistan nyerang basis militan di wewengkon Degan deukeuteun Miranshah di Waziristan Kaler. (BBC) Badéy niwaskeun saeutikna 17 urang di Viétnam kalayan 12 urang leungit. (AP via Washington Post) Pajabat kaamanan Bangladésh nangkep 24 urang nu dianggep militan di Bandara Internasional Zia rute ka Kabul, Afganistan. (Times of India) Pulisi China nahan genep urang nu protes hayang ngamerdikakeun Tibet ku jalan ngegebarkeun spanduk di Témbok Gedé China. (AP via the Guardian) Paul Calvert ngumumkeun pangunduran dirina minangka Présidén Sénat Australia sarta minangka Sénator keur Tasmania nu efektif mimiti ti minggu hareup. (AAP via Melbourne Herald Sun) Georgia ngaku yen dua jet tempur Rusia geus ngambah ka wewengkonna sarta nurunkeun bom di desa Tsitelubani 65 kilometer kuloneun Tbilisi. Bomna henteu bitu. (Reuters via CNN) Lini 6.4 magnitudo kajadian di basisir Okinawa Jepang. (Reuters) Satsuki Eda ti Partéy Démokratik Jepang kapilih minangka Présidén Déwan Panaséhat nu ngajadikeunnana minangka anggota munggaran ti partey oposisi nu meunangkeun posisi eta. (BBC)

8 Agustus 2007 (Rebo)

Dua urang tiwas sarta sababaraha urang lianna tatu alatan bituna bom nu disumputkeun dina sapéda nu diparkir di stasiun pulisi di Jorhat, Assam, India (AndhraNews.net) Pamarentah Pakistan ngaku yen geus kungsi mateni saeutikna 10 urang militan pro-Taliban di Waziristan Kalér. (BBC) China ngirim panyilidik pikeun nyilidik kantor pamarentah nu diwangun sacara henteu sah di 30 propinsi. (ABC) Caah niwaskeun 32 urang di puseur Viétnam. (Reuters via Washington Post) Reserve Bank of Australia naekkeun rarata bunga jadi 6.5%, hambalan pangluhurna di Australia ti taun 1996. (News Limited and AAP) Lumba-lumba Walungan Yangtsé dibewarakeun geus lastari. (The Scotsman) (Guardian) Kakejeman bitu di Dataran Luhur Kulon Papua Gini Anyar ku diadu tembakannana pasukan kaamanan jeung urang desa. (ABC News Australia) Rear Admiral Kevin Scarce jadi Gubernur Australia Kidul nu anyar. (AAP via the Melbourne Age) Xanana Gusmão jadi Perdana Mentri Timor Wétan tapi upacarana dboikot ku oposisi partey Fretilin. (BBC) Dua Korea satuju keur neundeun konferensi di Pyongyang, dimimitian ti 28 Agustus, tepi ka 30. (Yonhap News)

9 Agustus 2007 (Kemis)

Majlis Nasional Mauritania nyatujuan hukum nu nganggep yen perbudakan teh kajahatan. (AFP via News Limited) Présidén Pakistan Jéndral Pervez Musharraf narik diri tina sawala jeung Présidén Afganistan Hamid Karzai sarta pupuhu adat di Kabul ngeunaan tarungna jeung Taliban. (CNN), (BBC) Dua bang regional Australia panggedena, Bendigo Bank jeung Adelaide Bank, panuju keur ngahiji. (AAP via The Sydney Morning Herald)

10 Agustus 2007 (Jumaah)

Anggota Lok Sabha jeung Rajya Sabha papanggih keur milih Wakil Présidén India nu anyar. (Hindustan Times) Share market Asia turun kacida nyirorotna milu kana trend di Eropa jeung Amérika Kalér. Bang Jepang jeung Bang Cadangan Australia nyoba nyuntik likuiditas pikeun malikkeun deui kapercayadirian ka pasar. (AFP via the Sydney Morning Herald) Hiji bor geus nepi ka kantong tempat genep urang panambang nu kajebak salila opat poé di Pertambangan Léngkob Crandall deukeuteun Huntington, Utah. (AP via the Guardian) Majlis Législatif Queensland geus nyatujuan undang-undang pikeun nurunkeun jumlah déwan ti 156 jadi 72. (ABC News Australia) Pamarentah Uganda ngumumkeun rarancang pikeun mayar nu "miskin kronis" nu panghasilannana kurang ti sadolar sapoe kalayan tunjangan kamiskinan $10 sabulan. (AP via the Guardian) Caah di Vietnam niwaskeun 43 urang. (BBC) Timor Wetan nyanghareupan krisis kamanusaan alatan ratusan imah diduruk deukeuteun Viqueque sarta ngabalukarkeun urang désa kalabur ka leuweung. (ABC News) Wakil ti Amerika Sarikat, Uni Eropa jeung Rusia ngalongok Serbia jeung Kosovo pikeun néangan solusi ngeunaan isu Kosovo. (BBC) Jet Air Moorea tabrakan di Moorea nu wawatesan jeung Tahiti kalayan korban saeutikna 12 urang. Laporan munggaran ngindikasikeun yén 20 panumpang bisa jadi geus tiwas.(News Limited), (ABC News Australia)

11 Agustus 2007 (Saptu)

Bandera Sierra Leone Pamilih di Sierra Leone arindit kana pamilihan nu munggaran diayakeun bada ahir perang sipil taun 2002. (Voice of America)

23 Agustus 2007 (Kemis)

Angin puyuh Dean ninggalkeun déprési tropis di Meksiko sanggeus niwaskeun 20 urang di Karibia. (AP via Fox News) Dua urang nonoman umur 18 jeung 14 taun ditahan di Liverpool, Inggris kalayan tuduhan nembak pati budak lalaki 11 taun di Croxteth. (The Times and PA)

24 Agustus 2007 (Jumaah)

Belasan jelema disalametkeun tina caah di Basisir Sunshine di Queensland. (ABC News)

25 Agustus 2007 (Saptu)

Saeutikna 15 urang jadi korban nu tiwas dina kahuruan leuweung di dua lokasi di bojong Peloponnese, Yunani. salah saurang di antarana mangrupa patugas pamareum kahuruan. (detik)

27 Agustus 2007 (Senén)

Leuwih ti sapuluh rébu sivitas akademika Unpad meupeuskeun rékor maén angklung ku midangkeun sababaraha tembang sacara instruméntal. (okezone) (detik) Kahuruan di palabuan Jebel Ali, Uni Émirat Arab, ngabalukarkeun ngabeledugna dépot panyimpen bahan kimia. (Reuters) Vatikan ngawangun jasa penerbangan séwa ka tempat suci Katolik di Prancis, Polandia, Spanyol jeung Wétan Tengah keur nu jarah. (BBC)

30 Agustus 2007 (Kemis)

Mentri Keuangan China, Jin Renqing, ngundurkeun diri alatan "alesan pribadi". (BBC)