Jenson Button

Ti Wikipédia, énsiklopédia bébas basa Sunda
Luncat ka: pituduh, sungsi

Jenson Button

Jenson Alexander Lyons Button (alias Jenson Button, biasa disebat Jense, JB, atanapi Janson, babar 19 Januari 1980 di Frome, Sommerset, Inggris[1]) mangrupakeun saurang tukang balap Formula 1 asal Inggris anu ayeuna ngagabung sareng tim Brawn GP.

Profil[édit | sunting sumber]

Button mangrupakeun putra bungsu ti opat sadulur pasangan John Button sareng Simone Lyons. Lanceuk-lanceukna sadayana istri, nyaeta Tania Katrina (babar taun 1967), Samantha Chantal (babar taun 1970), jeung Natasha Michelle (babar taun 1970). Kulawarga ieu teras pipirakan, nu ahirna Jenson ngiring ka bapana.

Karir junior[édit | sunting sumber]

Gokart[édit | sunting sumber]

Jenson teras ngamimitian babalapan di yuswa 5 taun, pas bapana masihan dirina motor alit. Teras di yuswa 8 taun, Button dipasihan gokart ku bapana pas poean Natal. Ti dinya Button teras nyitak prestasi dina sababaraha ajang babalapan gokart, diantarana British Cadet[2], British Open jeung seri British Junior TKM Kart. Jenson bertahan di gokart dugi taun 1998.

Formula junior[édit | sunting sumber]

Taun 1998 Button nyobian babalapan di kelas Formula. Dirina teras ngabalap di ajang British Formula Ford jeung Formula Ford Eropa, dimana di ajang British Formula Ford dirina janten jawara umum. Pas ahir taun, Button meunang kasempatan ngajajal mobil McLaren F1 sabab dirina meunang panghargaan McLaren Autosport BRDC Young Driver Award.

Formula 3[édit | sunting sumber]

Taun 1999 Jenson Button ngalih ka Formula 3 Inggris, ngagabung sareng tim tim Promatecme. Dirina lajeng finish di P2 klasemen ahir di tukangeun Luciano Burti. Kahebatan Button dina ajang F3 teras dilirik ku Frank Williams. Sateuacanna, Button kantos ngetes mobil Prost GP di Barcelona dina sasih November.

Formula 1[édit | sunting sumber]

Williams F1[édit | sunting sumber]

Kahebatan Button pas ngetes mobil Prost GP ahirna kadangu ku Sir Frank Williams. Kaping 15 Desember 1999, Frank nelepon Button, ngajakan anjeuna tes sareng Bruno Junqueira.[3] Dina tes, panampilan Button cukup alus, tepikeun ka ahirna kapilih janten pembalap kadua Williams ngadampingan Ralf Schumacher.

Balapan Button pertama di F1 dimimiti di Australia 2000. Sapanjang musim dirina tampil impresif, sanajan teu pati konsisten siga batur satimna. Dina ahir musim, Button finish ka dalapan di klasemen ahir kalayan 12 poin. Button oge ngaraih gelar Rookie of the Year ti Majalah F1 Racing di ahir taun.[4]

Benetton/Renault[édit | sunting sumber]

Taun 2001 Button ngalih ka tim Benetton ngadampingan Giancarlo Fisichella. Sayangna mobil Benetton taun 2001 rada awon. Sapanjang musim Button ngan mampu ngaraih 2 poin hasil finish ka lima di GP Jerman. Samentara Fisichella tiasa ngaraih podium katilu di GP Belgia.

Taun 2002 Giancarlo Fisichella digentos ku Jarno Trulli. Tapi penampilan Button di 2002 tiasa ngaleuwihan Trulli nu harita janten anak emas Flavio Briatore. Di GP Malaysia Jenson malah ampir meunang podium, hanjakal suspensi pengker mobilna macet, tur di lap pamungkas dirina kudu rela diudag ku sang jawara dunya, Michael Schumacher. Tepi ka ahir musim, Button mampuh meunang 15 poin tur bertengger di P7 klasemen ahir.

B.A.R/Honda[édit | sunting sumber]

Saacan musim 2002 berahir, tim Williams nu masih keneh gaduh kontrak ka Jenson Button sacara ngadadak ngumumkeun yen Juan Pablo Montoya jeung Ralf Schumacher bakal tetep aya di tim jang taun 2003. Sedengkeun di Renault, Flavio ngumumkeun yen Fernando Alonso bakal lebet ka tim ngagentos Button anu kontrakna seep.[5] Ku margi hal eta, Button teras ngumumkeun yen anjeunna bakal ngalih ka tim British American Racing (B.A.R).

Di B.A.R taun 2003, Button papasangan sareng tilas jawara dunya 1997, Jacques Villeneuve. Jenson teras ngengingkeun kasempetan mingpin balapan keur munggaranana di GP AS 2003. Di GP Jepang, Villeneuve ngadadak mundur sarta posisina dialihkeun ka Takuma Sato. Formasi B.A.R keur musim 2004 ahirna dipastikeun saatos GP Jepang. Button bakal papasangan sareng Takuma Sato.

Taun 2004 mangrupakeun taun kaemasan kanggo B.A.R jeung Jenson Button. Button mampuh ngengingkeun pole munggarana di GP San Marino.[6] Sateuacanna, Button ngaraih podium pertamana di GP Malaysia. Sapanjang musim Button tampil konsisten. Di ahir musim, Button finish ka tilu di klasemen ahir kalayan 85 poin.

Taun 2005 penampilan Button nurun disababkeun mobil Honda[7] anu teu kompetitif. Button ngan bertengger di P9 kalayan 37 poin. Di ahir musim, Takuma Sato ngalih ka tim anyar Super Aguri, tur posisina dipasrahkeun ka tilas pembalap Ferrari, Rubens Barrichello.

Taun 2006 Button tampil awon di satengah balapan awal. Dirina tiasa ngaraih pole position di GP Australia, tapi pas balapan tinggal 300 meter deui sateuacan garis finish, dirina kedah rela tersingkir akibat mesin Hondana meledug. Padahal waktos eta teh, Button nuju aya di P3. Kaberuntunganna robih di GP Hungaria, sanajan kudu start di P14, Button ngabelesat tur mampuh nyiap Fernando Alonso anu keur pit stop. Alonso teras tersingkir akibat banna macet. Nu ahirna Button tiasa ngaraih kameunangan munggarana di ajang F1 saatosna ngantosan salami 113 balapan.[8][9]

Taun 2007 Honda tampil awon pisan. Salami sapanjang taun, Button ngan mampu ngengingkeun 14 poin. Sedengkeun batur satimna, Rubens Barrichello, malah teu tiasa ngaraih poin hiji-hiji acan. Taun 2008 Button masih satia di tim Honda.[10] Mun dirina eleh ku prestasi Barrichello anu tiasa ngaraih podium di GP Inggris. Di ahir taun sacara ngadadak Honda ngumumkeun yen tim Honda F1 bakal mundur ti F1.[11] Button teras kantos terombang-ambing masa depanna di F1, sateuacan Ross Brawn ngumumkeun yen rek ngambil alih aset tim Honda kaping 6 Maret 2009.[12]

Brawn GP[édit | sunting sumber]

Button ahirna meunang kapastian yen anjeunna bakal angger balapan di F1 taun 2009 sareng tim Brawn GP anu nganggo mesin Mercedes. Panampilan Button di taun 2009 cukup impresif, boh dina kasempetan testing, atawa dina balapan kalayan hasil meunang di GP Australia[13][14], Malaysia[15][16], jeung Bahrain. Target Button di taun 2009 anu asalna ngan finish poin wungkul ahirna robih janten target ngahontal jawara dunya, sanggeus prestasina di awal musim anu sae.

McLaren[édit | sunting sumber]

Mulai taun 2010 Button ngagabung jeung tim McLaren-Mercedes,ieu akibat pamentana ka tim Brawn GP (nu ayeuna robah jadi Mercedes GP) supaya gajihna ditaekeun teu ditedunan. Anjeunna akhirna milih gabung jeng McLaren make kontrak nu durasina taunan. Di McLaren, Button salaku jawara dunya 2009 bakal jadi partner Lewis Hamilton, jawara dunya 2008.

Statistik[édit | sunting sumber]

Biodata[édit | sunting sumber]

Nami lengkep: Jenson Alexanders Lyon Button
Tempat tanggal lahir: Frome, Somerset, 19 Januari 1980
Status: Single
Jangkung: 183 cm
Beurat: 68 kg
Debut F1: 2000 (Australia)
Meunang pertama: Hungaria 2006

Ringkesan karir[édit | sunting sumber]

Usum Séri Tim Balapan Meunang Pole F/Lap Podium Poin Posisi
1998 British Formula Ford Championship Haywood Racing 15 7 9 7 12 133 ka-1
Formula Ford Festival 1 1 0 0 1 N/A ka-1
1999 British Formula Three Promatecme UK 16 3 4 4 7 168 ka-3
Macau Grand Prix 1 0 0 0 1 T/A ka-2
Masters of Formula 3 1 0 0 0 0 T/A ka-5
Korea Super Prix 1 0 0 0 1 T/A ka-2
Belgian Procar Tim BMW FINA Rafanelli 1 0 0 0 0 0 NC
2000 Formula Hiji BMW Tim WilliamsF1 17 0 0 0 0 12 ka-8
2001 Formula Hiji Mild Seven Benetton Renault 17 0 0 0 0 2 ka-17
2002 Formula Hiji Mild Seven Tim Renault F1 17 0 0 0 0 14 ka-7
2003 Formula Hiji Lucky Strike BAR Honda 15 0 0 0 0 17 ka-9
2004 Formula Hiji Lucky Strike BAR Honda 18 0 1 0 10 85 ka-3
2005 Formula Hiji Lucky Strike BAR Honda 16 0 1 0 2 37 ka-9
2006 Formula Hiji Lucky Strike Tim Honda Racing F1 18 1 1 0 3 56 ka-6
2007 Formula Hiji Tim Honda Racing F1 17 0 0 0 0 6 ka-15
2008 Formula Hiji Tim Honda Racing F1 18 0 0 0 0 3 ka-18
2009 Formula Hiji Tim Brawn GP F1 17 6 4 2 9 95 ka-1
2010 Formula Hiji Vodafone McLaren Mercedes 19 2 0 1 7 214 ka-5

Referensi[édit | sunting sumber]

  1. "Formula One winner reflects Somerset’s engineering & racing skills", Into Somerset, 2009-03-31. Disalin 2009-04-18.
  2. "Who's Who: Jenson Button". F1Fanatic.co.uk. 20 Agustus 2007. Diakses pada 2 Januari 2007. 
  3. Majalah F1 Racing Desember 2000Williams F1: Hasrat Untuk Menang – kaca 96-101
  4. Majalah F1 Racing Desember 2000F1 Racing MOTY Awards: Rookie of the Year – halaman 56-57
  5. Eason, Kevin, "Alonso making life cheap and cheerful for his paymaster", The Times, News International, 2005-09-09. Disalin 2006-11-01.
  6. Majalah F1 Racing Juni 2004Naik Daun – kaca 36-42
  7. BBC reporting on Honda taking complete ownership of BAR 10 January, 2005
  8. FIA lap chart for 2006 Grand Prix of Hungary www.fia.com Retrieved 20 August 2006
  9. Majalah F1 Racing September 2006 – Laporan GP Hungaria: Akhirnya Jenson Berjaya… – halaman 100-103
  10. "Honda keep Button & Barrichello", news.bbc.co.uk, 2007-07-19. Disalin 2007-07-20.
  11. "Global crisis ends Honda F1 dream", BBC Sport.
  12. "Honda team to return as Brawn GP", BBC Sport.
  13. Brilliant Button wins on Brawn debut.2009-03-29.eurosport.co.uk
  14. Majalah F1 Racing April 2009 – Laporan GP Australia: Button (dan Brawn GP) Tampil Mengejutkan – halaman 90-92
  15. Malaysian GP - Button takes rain-shortened victory, Yahoo! Sport, retrieved 2009-04-06
  16. Majalah F1 Racing April 2009 – Laporan GP Malaysia: Button Makin Tidak Bisa Dibendung – kaca 94-96

Tumbu kaluar[édit | sunting sumber]

Wikimedia Commons logo
Wikimedia Commons mibanda média séjénna nu patali jeung artikel ieu dina kaca