Al 'Alaq

Ti Wikipédia Sunda, énsiklopédi bébas
Al 'Alaq
العلق

Informasi
Harti Sagumpal Getih
Ngaran séjén Iqro' (Bacal)
al Qolam (Kalam)[1]
Iqro' Bismi Robbika[2]
Golongan Makkiyah
Surah ka 96
Juz Juz 30
Statistik
Jumlah ruku' 1 ruku'
Jumlah ayat 19 ayat
Ayat Sajdah Ayat 19

Surah Al 'Alaq (basa Arab:العلق, "Sagumpal Getih") nyaéta surah ka-96 dina al Qur'an. Surah ieu diwangun ku 19 ayat sarta kaasup golongan surah-surah Makkiyah. Ayat 1 nepi ka 5 ti surah ieu téh ayat-ayat Al Quran anu munggaran diturunkeun, nyaéta waktu Nabi Muhammad nyepi di guha Hiro. Surah ieu dingaranan Al 'Alaq (sagumpal getih), dicokot tina kecap "Alaq" anu aya dina ayat ka-2 surat ieu. Surat ieu dingaranan ogé Iqro atawa Al Qolam.

Poko-poko eusi[édit | édit sumber]

Paréntah maca Al Quran; manusa dijadikeun tina sagumpal getih; Alloh ngajadikeun qolam minangka pakakas pikeun ngamekarkeun pangaweruh; manusa narindak ngaleuwihan wates alatan ngarasa dirina sarwa cukup; anceman Alloh ka jalma-jalma kapir anu ngahalangan kaum muslimin ngalaksanakeun paréntah mantenNa.

Surat Al 'Alaq ngajelaskeun yén Alloh nyiptakeun manusa tina barang anu hina satuluyna ngamuliakeunana ku cara ngajar maca, nulis sarta maparin pangaweruh. Tapi manusa henteu inget deui kana asalna, alatan éta maranéhna henteu sukur kana nikmat Alloh éta, malah maranéhna ninindak ngaleuwihan wates alatan nempo dirina geus ngarasa sarwa cukup.

Eusi jeung Tarjamah[édit | édit sumber]

Ayat ka Tulisan Arab Tarjamah basa Sunda
1.
ٱقۡرَأۡ بِٱسۡمِ رَبِّكَ ٱلَّذِى خَلَقَ
Baca, kalayan asma-Na Pangéran anjeun anu geus ngayugakeun.
2.
خَلَقَ ٱلۡإِنسَـٰنَ مِنۡ عَلَقٍ
Nu ngayugakeun manusa tina sagumpal getih.
3.
ٱقۡرَأۡ وَرَبُّكَ ٱلۡأَكۡرَمُ
Baca, karana Pangéran anjeun Nu Maha Mulya.
4.
ٱلَّذِى عَلَّمَ بِٱلۡقَلَمِ
Nu ngawulang ku kalam.
5.
عَلَّمَ ٱلۡإِنسَـٰنَ مَا لَمۡ يَعۡلَمۡ
Nu ngawulang manusa perkara nu teu dipikanyaho.
6.
كَلَّآ إِنَّ ٱلۡإِنسَـٰنَ لَيَطۡغَىٰٓ
Bener-bener, saéstuna manusa téh tukang ngaliwatan wates wangen.
7.
أَن رَّءَاهُ ٱسۡتَغۡنَىٰٓ
Lantaran ngarasa dirina geus cukup.
8.
إِنَّ إِلَىٰ رَبِّكَ ٱلرُّجۡعَىٰٓ
Saéstuna nya ka Pangran anjeun pangbalikan téh.
9.
أَرَءَيۡتَ ٱلَّذِى يَنۡهَىٰ
Naha anjeun teu nyaho, kumaha (goréngna) jalma anu ngalarang,
10.
عَبۡدًا إِذَا صَلَّىٰٓ
Hiji abdi nu rék solat?
11.
أَرَءَيۡتَ إِن كَانَ عَلَى ٱلۡهُدَىٰٓ
Naha anjeun teu nyaho kumaha (hadéna) upama manéhna meunang pituduh.
12.
أَوۡ أَمَرَ بِٱلتَّقۡوَىٰٓ
Atawa manéhna nitah jalma sangkan takwa?
13.
أَرَءَيۡتَ إِن كَذَّبَ وَتَوَلَّىٰٓ
Naha anjeun teu nyaho (kumaha goréngna) upama manéhna ingkar jeung ngabalieur?
14.
أَلَمۡ يَعۡلَم بِأَنَّ ٱللَّهَ يَرَىٰ
Naha manéhna teu nyahoeun yén saéstuna Alloh ningali?
15.
كَلَّا لَٮِٕن لَّمۡ يَنتَهِ لَنَسۡفَعَۢا بِٱلنَّاصِيَةِ
Sing inget! Lamun teu eureun, Kami baris ngajambak jambulna.
16.
نَاصِيَةٍ۬ كَـٰذِبَةٍ خَاطِئَةٍ۬
Jambul tukang ingkar tur doraka.
17.
فَلۡيَدۡعُ نَادِيَهُ ۥ
Keun manéhna sina nyambat komplotanana.
18.
سَنَدۡعُ ٱلزَّبَانِيَةَ
Kami ogé bakal nyalukan zabaniyah (malaikat).
19.
كَلَّا لَا تُطِعۡهُ وَٱسۡجُدۡ وَٱقۡتَرِب
Sing inget! Anjeun ulah nurut ka manéhna, tapi geura sujud jeung geura ngadeukeutkeun diri anjeun (ka Alloh).

Rujukan[édit | édit sumber]

  1. Departemen Agama RI.2007.Al-Qur'an dan Terjemahannya Al-Jumanatul 'Ali Seuntai Mutiara Yang Maha Luhur.Bandung:J-Art
  2. Allamah M.H. Thabathaba'i (1987). Mengungkap Rahasia Al-Qur'an. Bandung: Mizan
Wikisource logo
Wikisource logo
Wikipabukon mibanda média séjénna nu patali jeung artikel ieu dina kaca
{{{link}}}
Surat sateuacanna:
At Tin
Surat 96 Surat saparantosna:
Al Qodar
Al Qur'an

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114

Kotak ieu: temposawalaédit