1370 – Karajaan Lithuania Raya patelak jeung Satria Teutonik dina Patempuran Rudau.
1600 – Dina jajalaneun méméh dibeuleum alatan dianggap bid'ah, di Campo de' Fiori di Roma, philosop Giordano Bruno ditojos létahna ku régang sangkan teu tuluy cumarita.
1739 – Patempuran Vasai dimimitian nalika urang Maratha gerak pikeun nyerang wilayah nu ditempatan ku Portugis.
1854 – Karajaan Inggris ngaku kana kamerdékaan Nagara Bébas Oranye (kiwari jadi hiji propinsi di Afrika Kidul).
1859 – Kampanye Cochinchina: Angkatan Laut Perancis ngarebut Bénténg Saigon nu dijaga ku 1.000 soldadu ti Dinasti Nguyễn, naratas jalan pikeun nalukeun Saigon sarta wilayah séjénna di Viétnam Kidul.
1863 – Sakumpulan warga Jenéwa ngadegkeun hiji Komite Internasional pikeun Nambaan Tatu, nu tuluyna nelah minangka Komite Palang Beureum Internasional.
1864 – Perang Sodara Amérika: H. L. Hunley jadi kapal selam munggaran nu patelak jeung nilemkeun hiji kapal perang, nyaéta Kapal Perang AS Housatonic.
1944 – Perang Dunia II: Kapal perang jeung kapal selam AS nyerang Laguna Truk, markas Jepang di Pasifik tengah, dina raraga ngarojong kana serangan Eniwetok.
1949 – Chaim Weizmann mimiti mancén tugas minangka présidén kahiji Israél.
1968 – Di Springfield, Massachusetts, the Naismith Memorial Basketball Hall of Fame dibuka.
1978 – The Troubles:IRA nyeungeut bom batok di Réstoran La Mon, di deukeut Belfast, nelasan 12 jalma sarta nyideraan 30 urang liana, kabéhanna Protéstan. 1979 – Perang Cina-Viétnam dimimitian.
1980 – Pangdakian Puncak Everest usum tiis nu munggaran ku Krzysztof Wielicki jeung Leszek Cichy.
1996 – Lini 8,2 Mw di Biak, ngoyagkeun Propinsi Papua, Indonésia béh wétan. Disusul tepus ku hiji tsunami tohaga ngabalukarekun 166 jalma palastra sarta 423 cidera
2006 – Hiji longsor tohaga lumangsung di Leyte Kidul, Philipina, korban jiwa résmi nepi ka 1.126 jalma.
2011 – Arab Spring: Protés urang Libiya ka réjim Muammar Gaddafi dimimitian. Sedeng di Bahrain, pasukan kaamanan mesatkeun serangan maut wanci janari leutik ka para pamungpang di Pearl Roundabout di Manama, pikeun urang dinya, poé éta nelah ku Rébo getih.
2015 – Dalapan welas jalma maraot sarta 78 lianna tatu dina hiji pakéwuh dina Pawéy Mardi Gras di Haiti.
2016 – Kandaraan Militer ngabeledug di saluareun barak Pasukan Perang Turki di Ankara, nelasan saheunteuna 29 jalma sarta nyideraan 61 lianna.