Kabupatén Grobogan

Ti Wikipédia, énsiklopédia bébas basa Sunda
Luncat ka: pituduh, sungsi
Grobogan dialihkeun ka halaman ieu. Tingali ogé artikel Kacamatan Grobogan.
Kabupatén Grobogan
Lambang Grobogan.png

Lambang Kabupatén Grobogan
Locator kabupaten grobogan.gif

Peta lokasi Kabupatén Grobogan
Motto -
Propinsi Jawa Tengah
Ibukota Purwodadi
Lega Wilayah 1.875,85 km²
Kordinat -
Pangeusi
 · Jumlah
 · Kapadetan
 
1.301.000 (2003)
694 jiwa/km²
Administratif
 · Kacamatan
 · Désa/kal
 
19
-
Dasar hukum UU No. 13/1950
Tanggal -
Bupati -
Kode area telepon 0292
DAU Rp. 344.330.000.000

Situs web resmi: -

Kabupatén Grobogan nyaéta salasahiji kabupatén di Propinsi Jawa Tengah. Ibukotana Purwodadi. Kabupatén ieu wawatesan jeung Kabupatén Blora di beulah wétan; Kabupatén Ngawi (Jawa Timur), Kabupatén Sragén, jeung Kabupatén Boyolali di beula hkidul; Kabupatén Semarang beulah kulon; sarta Kabupatén Demak, Kabupatén Kudus, jeung Kabupatén Pati di beulah kaléreunnana.

Géografi[édit | sunting sumber]

Kabupatén Grobogan mangrupakeun kabupatén panglegana di Jawa Tengah sanggeus Kabupatén Cilacap, sarta wawatesan langsung jeung 9 kabupatén séjén. Jarak kabupatén ieu ti kalér ka kidul 37 km sarta ti kulon ka wétan ± 83 km.

Sacara géografis, Grobogan mangrupakeun léngkob nu dihapit ku dua pagunungan kapur, nyaéta Pagunungan Kendéng di béh kidul jeung Pagunungan Kapur Kalér di béh kalérna. Bagian tengah wilayahna mangrupakeun dataran handap. Dua walungan gedé nu ngalir nyaéta Kali Sérang jeung Kali Lusi.

Dua pagunungan nu kasebut mangrupakeun leuweung jati, mahoni jeung campuran nu miboga fungsi minangka serepan cihujan, sajaba ti ogé minangka lahan tatanén, sanajan taneuhna kurang alus ogé.

Léngkob nu ngujur ti kulon ka wétan mangrupakeun lahan tatanén nu produktif, nu sawaréhna geus dirojong ku jaringan irigasi. Léngkob ieu lian ti ditempatan ku para pangeusi, ogé dialiran ku loba walungan, jalan raya jeung jalan karéta api.

Pertambangan[édit | sunting sumber]

Poténsi pertambangan di Kabupatén Grobogan mangrupakeun pertambangan rayat nu ngawengku Bahan Galian Golongan C, diantarana batu gamping, keusik batuan, taneuh porang, ciuyah, fosfat jeung lian-lianna.

Babagian administratif[édit | sunting sumber]

Kabupatén Grobogan ngawengku 19 kacamatan, nu kabagi deui jadi 273 désa jeung 7 kalurahan. Puseur pamaréntahannana aya di Kacamatan Purwodadi.

Transportasi[édit | sunting sumber]

Purwodadi, ibukota Kabupatén Grobogan, aya dina jalan propinsi nu ngahubungkeun Semarang-Surabaya ngaiwatan Cepu.

Angkutan karéta api ogé meuntasan wewengkon kabupatén ieu, sanajan henteu ngaliwatan Purwodadi ogé. Aya dua jalur utama karéta api nyaéta ti Semarang ka wétankeun ka (Surabaya) jeung ka wétan kidulkeun ka (Solo). Kabupatén Grobogan miboga sababaraha stasion karéta api numana ukur karéta lokal jurusan Semarang-Bojonegoro jeung Semarang-Solo wungkul nu eureun di dinya téh, sedengkeun kareta api jarak jauh mah henteu nyimpang di stasion-stasion éta. Stasion panggedéna nyaéta Stasion Gundih nu mangrupakeun tempat pasimpangan antara dua jalur utama éta.

Tumbu luar[édit | sunting sumber]

 t·s·é 
Kabupatén jeung Kotamadya di Propinsi Jawa Tengah
Lambang Propinsi Jawa Tengah

Kabupaten: Banjarnegara | Banyumas | Batang | Blora | Boyolali | Brebes | Cilacap | Demak | Grobogan | Jepara | Karanganyar | Kebumén | Kendal | Klatén | Kudus | Magelang | Pati | Pekalongan | Pemalang | Purbalingga | Purworejo | Rembang | Semarang | Sragén | Sukoharjo | Tegal | Temanggung | Wonogiri | Wonosobo

Kota (kotamadya): Magelang | Pekalongan | Salatiga | Semarang | Surakarta | Tegal

Baca ogé daptar kabupatén jeung kotamadya di Indonésia


 

Kabupatén Grobogan, Jawa Tengah

Kacamatan: Brati | Gabus | Geyer | Godong | Grobogan | Gubug | Karangrayung | Kedungjati | Klambu | Kradenan | Ngaringan | Penawangan | Pulokulon | Purwodadi | Tanggungharjo | Tawangharjo | Tegowanu | Toroh | Wirosari