Ath Thoriq

Ti Wikipédia Sunda, énsiklopédi bébas
Ath Thoriq
الطّارق
Informasi
Harti Nu datang dina wanci peuting (béntang nu caang)
Golongan Makkiyah
Surah ka 86
Juz Juz 30
Statistik
Jumlah ruku' 1 ruku'
Jumlah ayat 17 ayat

Surah Ath Thoriq (basa Arab:الطّارق) nyaéta surat ka 86 dina al Qur'an. Surat ieu kagolongkeun kana surat Makkiyah anu diwangun ku 17 ayat. Dingaranan Ath Thoriq anu hartina Anu datang dina wanci peuting (béntang nu caang) dicokot tina kecap ath thaariq anu aya dina ayat kahiji surat ieu.

Poko-poko Eusi[édit | édit sumber]

  • Saban jiwa sok dipulasara sarta diawaskeun ku Alloh;
  • Mikirkeun asal kajadian diri sorangan nyaéta tina cai mani baris ngaleungitkeun sipat songong sarta adigung;
  • Alloh kawasa ngahirupkeun deui manusa dina poé kiamat, dina poé éta euweuh kakuatan anu bisa nulungan sajaba ti Alloh;
  • Al Qur'an nyaéta pamisah antara anu hak jeung anu batil

Eusi jeung tarjamah[édit | édit sumber]

Ayat ka Tulisan Arab Tarjamah basa Sunda
1.
وَٱلسَّمَآءِ وَٱلطَّارِقِ
Demi langit jeung anu datang dina wanci peuting (béntang anu caang).
2.
وَمَآ أَدۡرَٮٰكَ مَا ٱلطَّارِقُ
Naha manéh nyaho naon ari anu datang dina wanci peuting téh?
3.
ٱلنَّجۡمُ ٱلثَّاقِبُ
Éta téh béntang anu cahayana caang.
4.
إِن كُلُّ نَفۡسٍ۬ لَّمَّا عَلَيۡہَا حَافِظٌ۬
Saéstuna saban-saban jiwa téh aya anu ngaraksana.
5.
فَلۡيَنظُرِ ٱلۡإِنسَـٰنُ مِمَّ خُلِقَ
Ku sabab éta manusa téh kudu mikiran (kana dirina) tina naon manéhna diyugakeun.
6.
خُلِقَ مِن مَّآءٍ۬ دَافِقٍ۬
Diyugakeun tina cai anu muncrat.
7.
يَخۡرُجُ مِنۢ بَيۡنِ ٱلصُّلۡبِ وَٱلتَّرَآٮِٕبِ
Kaluarna tina antara tulang tonggong jeung tulang iga.
8.
إِنَّهُ ۥ عَلَىٰ رَجۡعِهِۦ لَقَادِرٌ۬
Saenyana Alloh kana mulangkeunana deui téh yakin kawasa.
9.
يَوۡمَ تُبۡلَى ٱلسَّرَآٮِٕرُ
Dina poéan dibukana sagala rusiah.
10.
فَمَا لَهُ ۥ مِن قُوَّةٍ۬ وَلَا نَاصِرٍ۬
Moal aya nu boga kakuatan sarta moal aya nu nulungan.
11.
وَٱلسَّمَآءِ ذَاتِ ٱلرَّجۡعِ
Demi langit anu mibanda cai hujan.
12.
وَٱلۡأَرۡضِ ذَاتِ ٱلصَّدۡعِ
Jeung demi bumi nu riduh.
13.
إِنَّهُ ۥ لَقَوۡلٌ۬ فَصۡلٌ۬
Saenyana ieu (Qur'an) téh pidawuh nu pasti.
14.
وَمَا هُوَ بِٱلۡهَزۡلِ
Jeung lain pidawuh heuheureuyan.
15.
إِنَّہُمۡ يَكِيدُونَ كَيۡدً۬ا
Saenyana maranéhna nyarieun tipu daya.
16.
وَأَكِيدُ كَيۡدً۬ا
Jeung Kami ogé males tipu dayana.
17.
فَمَهِّلِ ٱلۡكَـٰفِرِينَ أَمۡهِلۡهُمۡ رُوَيۡدَۢا
Ku kituna keun antep éta kaom kafir téh, antep béré tempo sakeudeung.

Tumbu ka luar[édit | édit sumber]

Wikisource logo
Wikisource logo
Wikipabukon mibanda média séjénna nu patali jeung artikel ieu dina kaca
{{{link}}}

Rujukan[édit | édit sumber]

  1. Al-Amin Al-Quran Tarjamah Sunda ku K.H. Qamaruddin Shaleh, C.V. Penerbit Diponegoro, Bandung, 2003.
  2. Al Quran dan Terjemahnya, Departemen agama, C.V. Toha Putra, Semarang, 1971
Surat sateuacanna:
Al Buruj
Surat 86 Surat saparantosna:
Al A'la
Al Qur'an

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114

Kotak ieu: temposawalaédit