Karajaan dina jaman India buhun

"Péta karajaan-karajaan kuno di India"

Réa hal ngeunaan kaayaan pulitik sarta kaayaan géografi dina jaman karajaan kuno di India anu bisa diregepkeun dina kitab Mahabarata. Kitab Ramayana ogé bisa méré saeutik informasi. Saméméh ayana kitab Mahabarata, Rigveda ngawincik kaayaan pulitik sarta kaayaan alam dina mangsa India kuno. Sanggeus jaman Mahabarata lekasan, nyusul jaman Purana, nyaéta mangsa ditulisna kitab-kitab mitologi, anu ogé ngadadarkeun kaayaan pulitik sarta géografi dina kira-kira mangsa éta.

Iraha nangtungna karajaan-karajaan di India dina mangsa baheula henteu dipikanyaho kalawan écés sarta pasti, kalan-kalan disebut “jaman mitologi”. Jaman kaemasan India kuno nurutkeun data buhun rumentang salila milénium kahiji. Dina jaman prasejarah India, élmu pulitik dipercaya mecenghul babarengan jeung ditulisna Wéda anu kahiji, nyaéta Rigveda (kira-kira taun 1500 SM). Karajaan dina Ramayana mecenghul kira-kira taun 500 SM sarta dina Mahabarata kira-kira taun 400 SM. Karajaan kasebut lekasan mangsa mecenghulna Karajaan Maurya taun 321 SM.

Karajaan kuno di India

Wates karajaan

Wates antar karajaan arang mangrupa pager atawa témbok kalawan pos pangjagaan. Anu mindeng dipaké wates nyaéta wewengkon alam kawas: walungan, leuweung, gunung, sarta landeuh. Walungan mindeng dijadikeun wates pikeun dua karajaan anu padeukeut. Sakapeung, aya leuweung geledegan anu leuwih lega batan karajaan éta sorangan sarta dijadikeun hiji wewengkon wates. Pagunungan kawas Himalaya, Windya sarta Sahya ogé dijadikeun wates alam.

Dayeuh jeung désa

Sawatara karajaan ngadegkeun puseur pamaréntahan di hiji dayeuh nu tangtu anu dina pamustunganana jadi hiji ibukota atawa minangka karajaan leutikna. Contona, karajaan para Pandawa nyaéta Indraprahasta sarta karajaan para Kurawa nyaéta Astinapura. Ahicatra nyaéta ibukota Pancala Kalér samentara Kampilya nyaéta ibukota Panchala Kidul. Karajaan Kosala mibanda ibukota Ayodya.

Dina hiji wewengkon di dayeuh utama atawa ibukota ditangtungkeun hiji kadaton minangka puseur pamaréntahan, samentara désa-désa ngampar di sabudeureunana. Pajeg dikumpulkeun ku pangumpul pajeg anu mangrupa jelema kapercayaan pikeun ngatur administrasi perduitan di désa nu tangtu. Sumbangan raja ka rahayatna anu geus mayar pajeg nyaéta nangtayungan maranéhanana tina anceman serangan karajaan séjén atawa serangan bangsa bajo. Raja ogé anu méré kaadilan sarta hukuman pikeun jelema anu ngarémpak aturan.

Hubungan antar karajaan

Euweuh pos pangjagaan wates antar karajaan sarta pacéngkadan ngeunaan wates wewengkon arang lumangsung. Hiji raja biasana nyieun angkatan perang (biasana disebut Digvijaya anu hartina pinunjul ti sagala pamingpin) sarta nalukkeun karajaan séjén dina hiji perang, lumangsung kalawan gancang atawa bisa ogé mangpoé-poé. Raja anu éléh kudu ngaku kapinunjulan raja anu meunang. Raja anu éléh sakapeung méré upeti ka raja anu meunang. Upeti dikumpulkan ngan sakali, henteu sacara regulér. Biasana, Raja anu éléh bébas ngatur karajaanana sorangan, tanpa ngayakeun hubungan pamaréntahan jeung raja anu meunang. Euweuh karajaan anu ngagabung jeung karajaan séjén pikeun ngalebur jadi hiji. Sawatara raja biasana nyieun hiji upacara kanagaraan (contona Rajasuya atawa Aswaméda). Raja anu éléh diondang ku raja anu meunang sarta kudu daék datang minangka kasadiaan jadi balad.

Karajaan anyar

Karajaan kakara kabentuk lamun aya maharaja ti hiji wangsa atawa dinasti mibanda turunan anu réa. Turunan wangsa Kuru sarta Ikswaku geus hasil ngadegkeun rupa-rupa karajaan di wewengkon India kalér. Samentara éta, turunan Wangsa Yadawa ngadegkeun réa karajaan di wewengkon India tengah.

Béda budaya di saban karajaan

Karajaan di India bagian kulon didominasi ku suku bangsa anu kabudayaanana béda jeung kabudayaan Wéda, henteu kawas karajaan India séjénna. Karajaan kasebut meunang pangaruh kabudayaan wétan tangah. Kitu ogé karajaan di bagian kidul, kabudayaanana béda jeung kabudayaan karajaan para Kuru sarta Pancala, tapi bédana henteu jauh teuing. Jigana béda kasebut lumangsung alatan pangaruh budaya Dravida. Suku bangsa anu béda-béda digolongkeun ku Wéda ku istilah Mlechha. Karajaan di India Kalér, di handapeun pagunungan Himalaya, arang mecenghul dina sastra India kuno. Cina mecenghul salaku karajaan sarta dipikawanoh kalawan ngaran “Cin”, digolongkeun salaku karajaan “Mlechcha” (suku bangsa anu budayana béda jeung budaya India dina mangsa éta). Dina sastra India kuno, disebutkeun yén karajaan di India Kalér dipinuhan ku sagala rupa karajaan kalawan suku bangsa anu pinuh rusiah. Karajaan anu kawentar di antara maranéhanana nyaéta Kuru Kalér atawa Utara Kuru. Sawatara sastra nyebutkeun yén wewengkon kasebut mangrupa wewengkon para Déwa. Sakapeung karajaan kasebut mecenghul salayaknya jiga karajaan séjén, sakapeung disebut nagri tanpa raja. Sawatara ahli sajarah nganggap maranéhanana mangrupa karuhun bangsa Kuru di saantéro India, sarta dina mimitina aya di India Kalér (diidéntifikasikeun jeung Kirgistan jeung Tajikistan) saterusna nyebar ka daratan India, ngadegkeun karajaanana di wewengkon nagara bagian Haryana jeung Uttar Pradesh di India.

Panggolongan karajaan

Karajaan utama wangsa Paurawa

Wangsa Paurawa mangrupa turunan para raja anu ngahiji dina Dinasti Bulan atawa Wangsa Candra. Karuhun dinasti ieu téh Puru, anakna Yayati, buyut ti Pururawa Aila, raja kahiji Dinasti Bulan/Dinasti Candra.

Karajaan Kuru

Karajaan Pancala

Karajaan Watsa

Karajaan utama wangsa Ikswaku

Wangsa Ikswaku atawa Wangsa Surya (Dinasti Surya) mangrupa turunan raja Ikswaku, anakna Manu.

Karajaan Kosala

Karajaan Kasi

Karajaan Widéha

Karajaan Daksina Kosala

Karajaan Mala

Karajaan Wangsa Yadawa

Karajaan wangsa Yadawa atawa Dinasti Yadu diparéntah ku turunan Yadu, lanceukna Puru.

Karajaan Suraséna	Karajaan Dwaraka	Karajaan Anarta	Karajaan Saurastra	Karajaan Héhéya
Karajaan Nisada	Karajaan Gurjara	Karajaan Karusa	Karajaan Cedi	Karajaan Dasarna
Karajaan Kunti	Karajaan Awanti	Karajaan Malawa

Karajaan Matsya

Karajaan Matsya

Karajaan di wewengkon kulon

Karajaan Trigarta	Karajaan Salwa	Karajaan Madra	Karajaan Sindu	Karajaan Sauwira
Karajaan Siwi	Karajaan Kékéya	Karajaan Gandara	Karajaan Youdéya	Karajaan Pahlawa

Karajaan di wewengkon kulon kalér

Karajaan Bahlika	Karajaan Parama Kamboja	Karajaan Utara Madra	Karajaan Utara Kuru
Karajaan Yawana	Karajaan Kasa	Karajaan Saka

Karajaan di wewengkon kalér

Karajaan Kasmira	Karajaan Kamboja	Karajaan Darada	Karajaan Parada	Karajaan Parasika
Karajaan Tusara	Karajaan Huna	Karajaan Hara Huna	Karajaan Risika	Karajaan Cina
Karajaan Parama Cina

Karajaan di wewengkon wétan

Karajaan Magada	Karajaan Kikata	Karajaan Anga	Karajaan Pragjyotisa	Karajaan Sonita
Karajaan Lauhitya	Karajaan Pundra	Karajaan Suhma	Karajaan Wanga	Karajaan Odra
Karajaan Utkala

Karajaan di jajaran Windya Kidul

Karajaan Widarba	Karajaan Anupa	Karajaan Surparaka	Karajaan Nasikya
Karajaan Konkana	Karajaan Asmaka	Karajaan Danda	Karajaan Kalinga

Karajaan di tungtung kidul

Karajaan Telinga	Karajaan Andra	Karajaan Kiskenda	Karajaan Gomanta	Karajaan Karnata
Karajaan Dravida	Karajaan Kanci	Karajaan Cola	Karajaan Pandya	Karajaan Mahisa
Karajaan Tulu	Karajaan Musika	Karajaan Satyaputra	Karajaan Kérala	Karajaan Sinhala
Karajaan Aléngka

Karajaan di landeuh walungan Saraswati

Karajaan Saraswata

Karajaan Abira

Karajaan Sudra

Karajaan Nisada

Karajaan di wewengkon Himalaya

Karajaan di wewengkon pagunungan Himalaya dina daptar di handapeun ieu mangrupa karajaan anu mencil sarta hésé didugdag ku jelema anu ngadumuk di karajaan beulah landeuh walungan-walungan suci. Nurutkeun sastra Hindu, padumuk di dinya arang gaul jeung dunya luar. Sagala rupa suku bangsa anu éksotik sarta mahluk légéndaris dumuk di dinya.

Karajaan Kimpurusa	Karajaan Pisaca	Karajaan Naga	Karajaan Kinnara	Karajaan Yaksa
Karajaan Gandarwa	Karajaan Kirata	Karajaan Himalaya	Karajaan Parwata	Karajaan Népa

Karajaan séjén

Karajaan Jafna

Tempo ogé

• Mahabarata
• Ramayana

Rujukan

• Mahabarata ku Krishna Dwaipayana Vyasa (tarjamahan dina basa Inggris sadia dina tumbu Sacred-texts.com)
• Ramayana ku Rsi Walmiki (tarjamahan dina basa Inggris sadia dina tumbu Sacred-texts.com)
• Rig Veda (tarjamahan dina basa Inggris ku R.Grifith sadia di Sacred-texts.com)
• The Genographic Project, IBM and National Geographic Society
• ISRO-IRS-SATELLITE Imagery of the dry bed of river Saraswati **www.gisdevelopment.net/archs0001.htm
  • www.gisdevelopment.net/archs0001a.htm
• Studi Océanografi di basisir basisir Gujarat ku Indian Archéological Survey, The Discovery of the sub-merged city, Dwaraka [1] Archived 2007-03-12 di Wayback Machine
• Indian Space Reséarch Organization (ISRO), IRS-SATELLITE Imagery of the ancient cities, Ahichatra, Kapilavasthu, Sravasti, and Kausambi [2]

Tumbu ka luar

• (en)National Geography, News on Genographic Project
• (en)SacredText.Com: Ramat loka pikeun meunangkeun tarjamahan naskah India kuno kana basa Inggris
• (en)Informasi leuwih jauh ngeunaan Dwaraka jeung ulikan oséanografi Archived 2007-09-27 di Wayback Machine