Préféktur Gifu
| |
| Ibukota | Gifu |
| Wewengkon | Chūbu |
| Pulo | Honshū |
| Gubernur | Hajime Furuta |
| Lega | 10,598.18 km² (7th) |
| - % cai | 0.2% |
| Populasi (1 Oktober, 2000) | |
| - Populasi | 2,107,687 (18th) |
| - Kapadetan | 199 /km² |
| Jumlah Distrik | 9 |
| Jumlah Kota Administrasi | 42 |
| ISO 3166-2 | JP-21 |
| Ramatloka | www.pref.gifu.lg.jp |
| Lambang Préféktur | |
| - Kembang | Chinese milk vetch (Astragalus sinicus) |
| - Tangkal | Japanese yew (Taxus cuspidata) |
| - Manuk | Rock ptarmigan (Lagopus muta) |
 Lambang Préféktur Gifu | |
Préféktur Gifu (岐阜県 Gifu-ken), lokasi di wewengkon Chūbu bagian tengah Jepang. Ibukota Propinsina nyaéta Kota Gifu. Posisina di puseur Jepang, éta miboga hal penting minangka sisimpangan Jepang, nyambungkeun wétan ka kulon. Salila période Sengoku, réa nu nyebutkeun yen, "ngawasa Gifu hartina anjeun ngawasa Jepang."
Sajarah
[édit | édit sumber]Wewengkon Gifu kiwari mangrupa bagéan tina periode Yamato kira-kira panengah abad kaopat. Sabab ayana di tengah-tengah pulo Honshu, kawentar minangka tempat perang dina Sajarah Jepang, catetan perang pangkolotna nyaéta Perang Jinshin dina taun 672, nu ngajadikeun Kaisar Temmu salaku kaisar Jepang ka-40.
Wewengkon di Préféktur Gifu nyaéta propinsi heubeul Hida jeung Mino, bagéan leutik ti Propinsi Echizen jeung Propinsi Shinano. Ngaran ieu préféktur asalna tina ngaran ibukota propinsi nyaéta, Gifu, ngaran kota nu dipaké ku Oda Nobunaga sawaktu kampanye ngahijikeun Jepang dina taun 1567.[1] Karakter mungaran dina ngaran Gifu asalna tina Qishan (岐山), gunung legenda nu dipaké sawaktu Cina ngahiji, sedengkeun karakter kadua tina Qufu (曲阜), tempat lahirna Konghucu.[2] Nobunaga milih ngaran éta alatan manéhna hayang ngahijikeun sakuliah Jepang sarta manéhna hayang dianggap boga pamikiran nu rongkah.
Nurutkeun sajarah, Préféktur Gifu boga fungsi minangka puseur tempat nyieun pedang di sakumna Jepang, jeung Seki dipikanyaho tempat nyieun pedang pangalusna di Jepang. Kiwari, Gifu kawentar ogé dina mode (utamana di dayeuh Gifu) sarta téknik roket (inggris: aerospace) di Kakamigahara.
Dina tanggal 28 Oktober 1891, kiwari kota Motosu nyaéta tempat epicenter Lini Mino-Owari, lini panggedéna nu pernah kajadian di Jepang.[3] Ditaksir kira-kira 8.0 skala Richter nu nyababkeun kabeulahna taneuh nu bisa ditempo nepi ka kiwari.
Geografi
[édit | édit sumber]Salah sahiji propinsi di Jepang nu aya di daratan bagéan jero, Propinsi Gifu diwatesan ku tujuh propinsi séjén nyaéta : Propinsi Aichi, Fukui, Ishikawa, Mie, Nagano, Shiga jeung Toyama. Kode pos di Jepang, dimimitian ku tilu nomer, antara 001 nepi ka 999. Bagéam Gifu mimiti ti 500, salah sahiji bukti yén Gifu ayana di tenah-tengah Jepang.
Wewengkon
[édit | édit sumber]Préféktur Gifu kabagi kana 5 wewengkon, nu mibanda wewenang sorangan keur ngamajukeun daérahna. Lima wewengkon ieu nyaéta Seinō (西濃), Gifu (岐阜), Chūnō (中濃), Tōnō (東濃) jeung Hida (飛騨).
Topografi
[édit | édit sumber]Di beulah kaler nyaéta wewengkon Hida mangrupa gunung-gunung nu jangkung, bagéan ti Japanese Alps. Di beulah kidul nyaéta wewengkon Mino mengrupa daérah subur di Dataran Nobi, wewengkon nu hadé keur tatanen. Masarakat Gifu, lolobana hirup kumbuh di beulah kidul, deukeut ka kota metropolitan Nagoya.
Gunung-gunung di wewengkon Hida kaasup kana Pagunungan Hida, nu disebut ogé "Northern Alps," jeung Pagunungan Kiso, nu disebut ogé "Central Alps" di Japan. Pagunungan Ryohaku ogé aya di wewengkon Hida. Nu séjénna nyaéta Pagunungan Ibuki jeung Pagunungan Yoro.
Wewengkon Mino ditutupan ku dataran aluvium ti Tilu Walungan Kiso, nyaéta Walungan Ibi, Walungan Kiso jeung Walungan Nagara. Sumber cai sakabéh ieu walungan aya di Préféktur Nagano tur ngalir ngaliwatan Préféktur Aichi jeung Mie saméméh ngamuara ka Basisir Ise. Walungan utama séjénna nyaéta walungan Jinzū, Takahara, Shō, Shōnai, Yahagi jeung Ishitoro.
Iklim
[édit | édit sumber]Sabab wewengkon Mino dikurilingan ku gunung-gunung nu pendek, naek turun suhu kajadian sapanjang taun, ti usum panas nepi ka usum tiris. Upamana, kota di beulah wetan nyaéta Tajimi, geus ilahar ngalaman hawa pangpanasna sa Jepang dina unggal taun, dina 16 August, 2007, kacatet hawa pangpanasna sa Jepang nu pernah kajadian nyaéta—40.9 degrees Celsius.[4] Usum panas jadi leuwih panas sabab ieu wewengkon mangrupa tempat nu katutupan ku gunung-gunung, saterusna bakal leuwih panas sawaktu, angin foehn datang ngaliwatan Pagunungan Ibuki di wewengkon Kansai. Wewengkon Hida, nu mangrupa pagunungan, ilaharna leuwih tiris tinimbang wewengkon Mino, sanajan kadangkala leuwih panas oge. Shōkawa-chō, kacamatan di kota Takayama, aya di pagunungan tur ieu kacamatan mangrupa tempat pangtirisna di pulo Honshū.
Ekonomi
[édit | édit sumber]Wisata
[édit | édit sumber]
Gifu miboga réa atraksi wisatawan populer, nu aya di sakabéh bagian prefecture. Tempat anu pang populer nyaéta Gifu, Gero, Shirakawa sarta Takayama. Gifu kawentar pikeun nguseup make manuk, anu miboga sajarah leuwih 1.300 warsih, minangka sajarah panjang boh Oda Nobunaga atawa Saitō Dōsan. Gero dipikanyaho pikeun cinyusu panasna paragi santai, anu narik wisatawan sapanjang warsih. Désa sajarah Shirakawa nyaéta Tempat Titilar Dunya UNESCO. Takayama kawentar alatan kota aslina sarta mindeng disebut Kyoto Leutik.
Salian ti wewengkon wisata internasional, Gifu ogé jadi tuan rumah sababaraha kagiatan internasional. World Event sarta Convention Complex Gifu biasa dipaké keur ngayakeun rupa-rupa kagiatan internasional. Widang séjén kagiatan internasional, kawas dina 2005 Kejuaraan Ngawelah Parahu Sadunya diayakeun di dayeuh Kaizu.
Kota-kota
[édit | édit sumber]Dua puluh hiji kota aya di Préféktur Gifu nyaéta:
Rujukan
[édit | édit sumber]- ↑ Stone ledger in front of Kashimori Shrine. Erected by Kashimori Shrine.
- ↑ Gifu tour guide - Outline of Gifu Prefecture Archived 2011-10-01 di Wayback Machine. Gifu Prefecture Tourist Federation. Accessed September 9, 2007.
- ↑ Mino Earthquake Archived 2014-07-06 di Wayback Machine. Tokyo Science Museum. Accessed July 5, 2007.
- ↑ Gifu Prefecture sees highest temperature ever recorded in Japan - 40.9 - Japan News Review
Tumbu kaluar
[édit | édit sumber]- Ramatloka resmi Préféktur Gifu Archived 2004-04-02 di Wayback Machine