Pandawa

Pandawa
Asal:	Astinapura, Karajaan Kuru

Pandawa nyaéta hiji kecap tina basa Sansakerta (Dewanagari: पाण्डव; diéjah Pāṇḍava), anu sacara harafiah boga harti anak "Pāṇḍu" (Pandu), nyaéta salah sahiji Raja Astinapura dina wiracarita Mahabarata. Ku kituna, Pandawa mangrupa putera makuta karajaan kasebut. Dina wiracarita Mahabarata, para Pandawa nyaéta protagonis sedengkeun antagonis nyaéta para Kurawa, nyaéta putera Dréstarastra, baraya bapa maranéhanana (Pandu). Kalima Pandawa ngadahup ka Drupadi anu diparebutkeun dina hiji sayémbara di Karajaan Pancala. Para Pandawa mangrupa inohong penting dina wiracarita Mahabarata, nyaéta dina perang rongkah di Kurusétra antara para Pandawa jeung para Kurawa jeung wadyabalad maranéhanana. Carita kasebut jadi carita penting dina wiracarita Mahabarata, salian ti carita Pandawa maén dadu jeung Kurawa.

Silsilah Pandawa

Para Pandawa diwangun ku lima urang pangéran, tilu di antarana (Yudistira, Bima, jeung Arjuna) mangrupa anak kandung Kunti, sedengkeun anu séjénna (Nakula jeung Sadéwa) mangrupa anak kandung Madrim, tapi bapa maranéhanana sarua, nyaéta Pandu.

Tempo ogé

Tokoh

• Pandawa:
  • Yudistira
  • Bima
  • Arjuna
  • Nakula
  • Sadéwa
• Kurawa
  • Duryodana
  • Dursasana
  • Yuyutsu

Carita

• Mahabarata
• Carita Pandawa maén dadu
• Perang kulawarga Barata

Nu séjénna

• Silsilah Pandawa jeung Kurawa

Tumbu kaluar

• (en) The Mahabharata of Vyasa, ditarjamahkeun tina basa Sansakerta ka basa Inggris ku Kisari Mohan Ganguli.