1492 – Météor Ensisheim, météor pangkolotna nu kungsi kanyahoan poé neunggarna, narajang hiji ladang gandum kira-kira wanci tengah beurang di Désa Ensisheim, Alsace, Perancis.
1665 – London Gazette, jurnal pangkolotna nu aya kénéh, mimiti medal.
1775 – John Murray, Gupénur Virginia, ngamimitian émansipasi massal munggaran pikeun para budak di Amérika Kalér ku ngaluarkeun Tawaran Émansipasi Lord Dunmore nu nawarkeun kabébasan pikeun para budak sarta ngabatalkeun dununganna ku cara ngilu perang bareng Murray jeung Inggris.
1786 – Organisasi musik pangkolotna di Amérika Sarikat diadegkeun, nyaéta Masarakat Musik Stoughton.
1837 – Di Alton, Illinois, tukang nyitak anti pabudakan, Elijah P. Lovejoy ditémbak mati ku hiji mafia nalika mertahankeun toko pacétakanna tina diancurkeun katilukalina.
1907 – Jesús García nyalametkeun sakuliah Kota Nacozari de García di Méksiko ku nyetiran karéta api nu kahuruan nu pinuh ku dinamit, genep kilométer (3,7 mil) ngajauhan kota saméméh ngabeledug.
1908 – Butch Cassidy jeung Sundance Kid diwartakeun ditelasan di San Vicente Canton, Bolivia.
1910 – Pangangkutan kargo udara munggaran dijalankeun ku Wright sadulur jeung department store nu Max Moorehouse.
1913 – Poé kahiji badéy Great Lakes di Amérika Kulon jeung Ontario, Kanada, hiji badéy salju anu antukna nelasan 250 jalma sarta ngabalukarkeun karugian leuwih ti $5 juta mangsa harita.
1914 – Koloni Jérman di Kiaochow Bay sarta pusatna di Tsingtao karebut ku pasukan Jepang.
1916 – Jeannette Rankin jadi awéwé munggaran nu nempatan KongrésAS.
1931 –Républik Soviét Cina diproklamirkeun dina raraga tepung taun Révolusi Oktober.
1941 – Dina Perang Dunia II parahu médis Armenia dikelebuhkeun ku kapal udara Jérman nalika keur ngangkut para pangungsi, soldadu nu taratu sarta sababaraha urang pagawé rumah sakit Kriméa. Ditaksir leuwih ti 5.000 urang palastra dina tilelepna éta kapal.
1944 – Mata-mata Soviét, Richard Sorge, saténgah Rusia, saténgah Jérman sarta véteran PD I, digantung ku urang Jepang nu nahanna baréng jeung 34 urang pangiringna.
1944 – Franklin D. Roosevelt kapilih minangka présidén Amérika Sarikat pikeun mangsa jabatan kaopat kalina.
1949 – Minyak munggaran ditambang di Oil Rocks (Neft Daşları), Azerbaijan, pangkolotna kilang minyak leupas basisir.
1975 – Di Bangladesh, hiji pasukan gabungan antara rahayat jeung soldadu nyieun pamungpangan nu dipingpin ku Kolonél Abu Taher sarta hasil nurunkeun jeung maténi Brigadir Khaled Mosharraf, ngabébaskeun pupuhu militer nu jadi tahanan imah sarta pijadieun présidén Mayor Jenderal Ziaur Rahman.
1983 – Hiji bom ngabeledug sajeroeun Gedong Kapitol AS. Teu aya nu cidera, tapi karugian ditaksir nepi ka $250.000.
1987 – Di Tunisia, Présidén Habib Bourguiba digantikeun sarta tuluy diganti ku Perdana Menteri Zainal Abidin bin Ali.
1990 – Mary Robinson jadi awéwé munggaran nu kapilih jadi présidén Républik Irlandia.
1991 – Magic Johnson ngabéwarakeun yén manéhna katarajang HIV sarta reureuh ti NBA.
1994 – WXYC, studio radio keur para palajar di Universitas North Carolina di Chapel Hill, nyadiakeun siaran radio internét nu munggaran di dunia.
2004 – Pamaréntahan interim Irak ngedalkeun kaayaan darurat perang pikeun 60 poé lilana, nalika pasukan AS nyerang bénténg palawanan Fallujah.
2007 – Panembakan di Sakola Jokela di Tuusula, Finlandia, ngabalukarkeun salapan jalma palastra.
2012 – Hiji lindu di bobojong Guatemala, Pasifik nelasan saheunteuna 52 jalma.
2017 – TV Shamshad di Afghanistan diserang ku jalma-jalma sajantaan jeung bom bunuh diri. Hiji juru jaga kaamanan tiwas sarta 20 jalma tatu. ISIS ngaku minangka nu tanggung jawab kana serangan éta.
