1878 – Usaha panelasan nu kahiji ka Umberto I ti Itali ku anarkis Giovanni Passannante, nu mamawa bedog. Raja salamet, ngan tatu leutik dina leungeunna. Perdana Mentri Bendetto Cairoli ngahalangan si panyerang, nandangan tatu dina salah sahiji sukuna.
1939 – Salapan mahasiswa Céko ditelasan minangka réspon kana démonstrasi anti–Nazi nu dipicu ku maotna Jan Opletal. Kabéh universitas di Céko ditutup sarta leuwih ti 1.200 mahasiswa dikirim ka kémp konséntrasi. Ti saprak kajadian ieu, Poé Palajar Intérnasional dirayakeun di réa nagara, khususna di Républik Ceko.
1947 – Élmuwan Amérika John Bardeen jeung Walter Houser Brattain nengetan prinsip-prinsip dasar transistor, hiji élemén penting pikeun révolusi éléktronik di abad 20.
1950 – Lhamo Dondrub sacara resmi dingaranan Dalai Lama ka-14.
1969 – Dina Perang Dingin: Négosiator ti Uni Soviét jeung Amérika Sarikat panggih di Helsinki, Finlandia, pikeun ngamimitian négosiasi SALT I nu tujuanna ngawates kana jumlah pakarang stratégis ti kadua beulah pihak.
1970 – Perang Viétnam: Létnan William Calley dibawa ka pangadilan pikeun perkara pangbantéan My Lai.
1973 – Palawanan Politéhnik Athéna ka réjim militer lekasan ku banjir geutih di puseur nagri Yunani.
1983 – Zapatista Army of National Liberation (Pasukan Pangbébasan Nasional Zapatista) diadegkeun di Méksiko.
1989 – Perang Dingin: Révolusi Buludru dimimitian: Di Cékoslowakia, hiji démonstrasi mahasiswa di Praha dipungkas ku amukan polisi. Hal ieu nyeungeut kana palawanan nu ditujukeun ka pamaréntahan komunis (hasil-hasil di tanggal 29 Désémber).
1993 – Déwan Pawakilan Amérika Sarikat ngaluarkeun résolusi pikeun diwangunna North American Free Trade Agreement (NAFTA) / Kasapukan Dadagangan Bébas Amérika Kalér.
1993 – Di Nigeria, Jéndral Sani Abacha nyingkirkeun pamaréntahan Ernest Shonekan ku hiji kudéta militer.
1997 – Di Luxor, Mesir, 62 jalma ditelasan ku genep anggota milisi Islam Mesir di saluareun Kuil Hatshepsut.
2000 – Hiji bencana longsor di Log pod Mangartom, Slovénia, nelasan tujuh jalma sarta ngabalukarkeun karugian jutaan SlT. Mangrupakeun bencana pangparahna di Slovénia dina saratus taun katukang.
