Di bumi béh kalér tanggal 21 Désémber biasana mangrupa poé pangpondokna, sarta kadang dianggap awal usum tiis. Di bumi béh kidul tanggal 21 Désémber biasana mangrupa poé pangpanjangna, sarta kadang dianggap awal usum panas.
1361 – Patempuran Linuesa lumangsung dina mangsa Reconquista (mangsa kakhalifahan Umayyah) Spanyol atara pasukan Émirat Granada ngalawan gabungan pasukan Karajaan Kastile jeung Jaén, dimeunangkeun ku urang Kastile.
1598 – Patempuran Curalaba: Kabangkitan Indian Mapuche pingpinan cacique (katua suku) Pelentaru, ngabalukarkeun pasukan Spanyol nandangan bobor karahayuan nu tohaga di Chili.
1832 – Perang Mesir - Turki Ustmani: Pasukan Mesir sacara mutlak ngéléhkeun pasukan Turki Ustmani dina Patempuran Konya.
1844 – Pionir Pamangrataan Masarakat Rochdale ngamimitian niaga dina koperasi di Rochdale, Inggris, minangka awal pagerakan Koperasi.
1907 – Tentara Chili ngalakukeun pangbantéan ka saheunteuna 2.000 tukang uyah nu nyarerang di Iquique, Chili.
1910 – Beledugan di sahandapeun taneuh di tambang batu bara Hulton Bank Colliery Liang ka-3, di Westhougton, Inggris, nelasan 344 panambang.
1913 – "Tarucing cakra" Arthur Wynne, nu mangrupa tarucing cakra nu munggaran, dipedalkeun dina koran TheNew York World.
1923 – Karajaan Inggris jeung Nepal sacara resmi nanda tangan kapaheutan sosobatan, nu nelah ku Pasini Nepal-Inggris 1923, nu ngunggulan Pasini Sugauli nu ditéken di taun 1816.
1937 – Snow White and the Seven Dwarfs (Putri Salju jeung Tujuh Kurcaci), pintonan filem kartun nu munggaran di dunia, tayang perdana di Téater Carthay Circle.
1941 – Perang Dunia II: Pasini resmi pasakutuan Thailand jeung Jepang ditanda tangan di hareupeun Patung Zamrud Budha di Kelenténg Wat Phra Kaew, Thailand.
1946 – Lini 8,1 Mw sarta tsunami awal di Nankaido, Jepang, nelasan leuwih ti 1.300 jalma sarta ngancurkeun 38.000 imah.
1963 – "Natal Badarah" dimimitian di Siprus, pamustunganna ngabalukarkeun ngungsina 25.000 -30.000 urang Turki Siprus sarta pangancuran 100 désa.
1965 – Konvénsi Internasional Panghapusan Sagala Rupa Diskriminasi Rasial diadopsi.
1967 – Louis Washkansky, jalma munggaran nu nampa transplantasi jantung, maot di Cape Town, Afrika Kidul, sabada hirup salila 18 poé ti saprak transplantasi.
1988 – Bom ngajelegur dina Pasawat Pan Am 103 saluhureun Lockerbie, Dumfries jeung Galloway, Skotlandia, nelasan 270 jalma. Nepi ka kiwari mangrupa bancang pakéwuh pangmautna nu kungsi kajadian di wilayah Karajaan Inggris.
1988 – Ngapung munggaran pasawat Antonov An-225 Mriya beunang Uni Soviét, pangedé-gedéna pasawat udara di dunia.
1999 – Pangawal Sipil Spanyol ngahadang hiji mobil van nu dieusi ku 950 kg bahan bom nu tadina ku ETA rék dipake ngancurkeun Gedong Torre Picasso di Madrid, Spanyol.
1999 – Pasawat Cubana de Aviación 1216 kaluar ti landasan di Bandara Internasional La Aurora, nelasan 18 jalma.
2004 – Perang Irak: Pangebom maéhan manéh nelasan 22 jalma di markas operasi serangan sabeulaheun landasan udara militer utama AS di Mosul Irak, mangrupa serangan maéhan manéh sosoranganan pangmautna ka soldadu Amérika.
