1824 – Pasukan Patriot pimpinan Jéndral Antonio José de Sucre ngéléhkeun tentara Royalis dina Patempuran Ayacucho, ngaréngsékeun Perang Kamerdékaan Péru.
1835 – Révolusi Texas: Tentara Texas ngarebut San Antonio, Texas.
1931 – Cortes Konstituén nyatujuan hiji konstitusi nu ngadegkeun Républik Spanyol Kadua.
1937 – Perang Cina – Jepang Kadua: Patempuran Nanking: Pasukan Jepang dina komando Létjén Asak Yasuhiko mesatkeun serangan ka Kota Nanjing (Nanking), Cina.
1968 – Douglas Engelbart midangkeun naon anu katelah minangka “Indungna Sagala Démo”, munggaran némbongkeun mos komputer, hypertext jeung antarmuka graphis bit-mapped ngagunakeun oN-Line System (NLS).
1969 – Sekertaris Nagara AS William P. Rogers ngusulkeun rancanganna pikeun ngareureuhan témbakan dina raraga pangendoran perang; Mesir jeung Yordania nampa hal éta ngan PLO ngarasa kabeuratan, nu antukna nungtun kana pereang sipil di Yordania di Bulan Séptémber 1970.
1979 – Pangbasmian virus cacar disértifikasi ku komisi para élmuwan dunia, tuluy disahkeun ku Majelis Kaséhatan Dunia dina tanggal 8 Mei 1980.
1992 – Pasukan Amérika ngadarat di Somalia dina raraga Operasi Mulang Harepan.
2013 – Saheunteuna tujuh jalma maraot sarta 63 cidera dina kacilakaan karéta api nabrak treuk béngsin di Bintaro, Indonésia. Nelah minangka Tragedi Bintaro 2.
2015 – Pangbukaan pasamoan 36 nagara GCC (Déwan Gawé Bareng Nagara-Nagara Arab Teluk) di Riyadh.
2016 – President Park Geun-hye ti Koréa Kidul dieureunkeun ku Majelis Nasional nagara éta alatan hiji skandal politik utama. PM Hwang Kyo-ahn jadi pajabat présidén, tuluy nolak ngajabat semet ka jangka waktu pinuh.
2016 – Saheunteuna 57 jalma palastra sarta 177 tatu nalika dua budak sakola awéwé palaku bom bunuh diri nyerang area pasar di Mandagali, kalér wetaneun Nigeria.
