Skandium nyaéta salah sahiji unsur kimia dina tabél périodik anu miboga lambang Sc jeung nomor atom 21.[1] Skandium mangrupa unsur transisi lemes sarta warnana kapérakan anu mimti kapanggih dina mineral langka ti Skandinavia.[2] Bagéan luar ieu unsur téh bakal robah kakonéng-konéngan atawa beureum ngora mun keuna hawa.[2] Skandium gampang kaoksidasi ku hawa sarta gampang kabeuleum.[2] Ieu unsur ngaréaksi jeung cau pikeun ngawangun gashidrogén jeung bakal larut kana loba asam.[2] Skandium murni diproduksi ku cara manaskeun skandium fluoride (ScF3) jeung logamkalsium.[2] Skandium jarang kapanggih di alam ku sabab ngan nyangkaruk dina jumlah nu leutik pisan.[2] Skandium biasana ngan kapanggih dina dua macem bijih.[2] Thortveitite nyaéta sumber utama ieu unsur. Produksi skandium dunya diperkirakeun ngan 50 kg per taun ku jumlah cadangan anu teu dipikanyaho sacara pasti.[2] Skandium mangrupa unsur ka-50 pang-ngaleuyana di marcapada jeung sumebar sacara lega di leuwih ti 800 mineral.[2] Ngan kurang leuwih 3%pepelakan anu dianalisis miboga kandungan skandium, éta ogé dina jumlah anu saeutik pisan.[2]
