1 Januari nyaéta poé ka-1 dina sataun dina kalénder Gregorian, sésana 364 poé (365 dina taun kabisat). Poé ieu nelah minangka Poé Taun Anyar ku sabab jadi tanda dimimitianna hiji taun.
1804 – Kakawasaan Perancis lekasan di Haiti. Haiti jadi nagara républik munggaran nu mayoritas rakyatna urang-urang hideung sarta jadi nagara merdéka kadua di Amérika Kalér sabada Amérika Sarikat.
1915 - Pausahaan farmasi kawentar ti Jerman, Bayer, nyieun aspirin dina wangun tablét, sanggeus saméméhna dunya kadokteran ngagunakeun wangun puyer. Felix Hoffman, ahli kimia Jérman, nu digawé di Bayer, manggihan formula pikeun ubar éta nu satuluyna dingaranan Aspirin, ubar pikeun ngaleungitkeun rasa kanyeri nu pangkawentarna di dunia.
1916 - Getih mimiti geus bisa diteundeun tur ditiiskeun bisa digunakeun pikeun transfusi darah. Transfusi nu lumangsung kalawan suksés ieu téh dipigawé ku The Royal Army Medical Corps (R.A.M.C), nu geus ngalakukeun uji coba ti taun 1913.
1945 – Perang Dunia II: Minangka wawales kana pangbantéan Malmedy, pasukan AS nelasan 60 urang tahanan Jérman di Chenogne.
1947 – Perang Tiis: Zona panyicingan Amérika jeung Inggris dina wilayah Jérman nu didiukan ku Sakutu sabada Perang Dunia II ngagabung jadi Bizonia, nu jagana ditambahan ku zona Perancis jadi bagén ti Jérman Kulon.
1978 – Pasawat Air India 855, Boeing 747, murag di Teluk Bombay, India, alatan karusakan alat, kasalahan arah jeung kasalahan pilot, nelasan 213 jalma sejeroen kapal.
1981 - Yunani ngagabung di Masyarakat Ékonomi Éropa.
2007 – Pasawat Adam Air 574, Boeing 737, beulah di jomantara sarta murag ka laut deukeut Selat Makasar, nelasan 102 jalma dina jero kapal.
2010 – Hiji bom maéhan manéh ngabeledug dina hiji turnamén voli Lakki Marwat, Pakistan, nelasan105 sarta natuan leuwih ti 100 séjénna.
2011 – Bom ngajelegur nalika umat Karésten Koptik di Aleksandria, Mesir, ninggalkeun reureuahan taun baru, nelasan 23 jalma.
2013 – Sahanteuna 60 jalma palastra sarta 200 tatu dina hiji kakacoan dina reureuahan malem taun anyar di Stadion Félix Houphouët-Boignydi Abidjan, Pantéy Gading.
2015 – Pasarikatan Ékonomi Eurasia mimiti éféktif, ngadegkeun hiji sarikat pulitik jeung ékonomi antara Rusia, Belarusia, Arménia, Kazakhstan jeung Kyrgyzstan.
2017 – Hiji serangan di hiji kleub peuting di Istambul nalika pangreuah-reuahan Taun Anyar, nelasan 39 jalma sarta natuan leuwih ti 60 séjénna.
2020 – Hujan nu teu reureuh-reureuh ti maleman taun anyar kénéh ngabalukarkeun caahna Leuwi Angké sarta banjir di sawatara wewengkon di Jabodetabek.
