Wallis jeung Futuna

Ti Wikipédia Sunda, énsiklopédi bébas
Territoire des îles Wallis et Futuna/ Telituale o Uvea mo Futuna
Téritori Kapuloan Wallis jeung Futuna
Bandéra Wallis and Futuna Lambang Wallis and Futuna
Motto
Liberté, Égalité, Fraternité
Lagu
La Marseillaise
Location of Wallis and Futuna
Location of Wallis and Futuna
Ibu kota
(jeung kota panggedéna)
Mata-Utu
13°17′S 176°11′W
Basa resmi Resmi: basa Perancis
basa Vernacular: ʻUvea, basa Futuna
Grup étnis  urang Polinésia[1]
Démonim Wallisian, Futunan
Pamaréntah Wewengkon depéndensi
 -  Présidén Perancis François Hollande
 -  Administrator Supérior Michel Jeanjean
 -  Présidén Majelis Téritorial Victor Brial
 -  Raja
(tradisionalna tilu)
Kapiliele Faupala
Raja Uvea ti 2008,[2]
kososng,
Rajo Alo ti 22 Januari 2010
Polikalepo Kolivai,
Raja Sigave ti 2010
Koléktivitas peuntas laut Perancis
 -  Wewengkon peuntas laut 1959 (diusulkeun sangkan jadi téritori Perancis) 
 -  Koléktivitas peuntas laut 2003 
Aréa
 -  Total 264 km² (ka-211)
102 mil² 
 -  Cai (%) tiasa teu dipadulikeun
Populasi
 -  Perkiraan  July 2009 15.289[1] (ka-220)
 -  Sénsus Juli 2008 13.484[3] 
 -  Kapadetan 57,9 /km² (ka-125)
149,9 /mil²
GDP (nominal) Perkiraan 2005
 -  Total US$188 yuta[4] (teu karéngking)
 -  Per kapita US$12.640[4] (teu karéngking)
Mata uang Franc CFP (XPF)
Zona wanci (UTC+12)
TLD Internét .wf
Kode telepon +681

Wallis jeung Futuna, resmina Téritori Kapuloan Wallis jeung Futuna (basa Perancis: Wallis et Futuna/Territoire des îles Wallis et Futuna, Fakauvea jeung basa Futuna: Uvea mo Futuna), mangrupa téritori pulo Perancis di Polinésia di Pasifik Kidul antara Tuvalu, Rotuma (Fiji), bagian utama Fiji, Tonga, Samoa, Tokelau, jeung Kapuloan Phoenix (Kiribati).

Aréa daratanna 264 km2 kalawan populasi kira-kira 15.000. Mata-Utu mangrupa ibu kota jeung kota panggedéna. Téritorina kajieun ti tilu pulo tropis vulkanis jeung aya ogé sababaraha pulo leutik. Kapisah 260 km kana dua grup, Kapuloan Wallis (Uvéa) di kalér-wétan, jeung Kapuloan Hoorn (Kapuloan Futuna) di kidul-kulon, kaasup Pulo Futuna jeung Pulo Alofi.

Ti 2003 Wallis jeung Futuna geus jadi Koléktivitas peuntas laut Perancis (collectivité d'outre-mer, atawa COM). Antara 1961 jeung 2003, miboga status wewengkon peuntas laut Perancis (territoire d'outre-mer, atawa TOM).

Pulitik[édit | édit sumber]

 Artikel utama: Pulitik Wallis jeung Futuna.

Wewengkon ieu dibagi kana tilu karajaan tradisional (royaumes coutumiers): Uvea, di pulo Wallis, Sigave, di bagian kulon pulo Futuna, jeung Alo, dina pulo Alofi jeung bagian kalér pulo Futuna (ngan Uvéa nu dibagi deui, kana tilu distrik):

Distrik
  Karajaan
Ibu kota Aréa
(km²)
Populasi
Sénsus Juli 2008[3]
Désa
Kapuloan Wallis
`Uvea (Wallis) Matāʻutu 77,5 9.227 23
Hihifo ("kulon") Vaitupu 23,4 2.203 5
Hahake ("wétan") Matāʻutu 27,8 3.759 6
Mu'a ("kahiji") Mala'efo'ou (1) 26,3 3.265 12
Kapuloan Hoorn
Sigave (Singave) Leava 30,0 1.591 6
Alo Mala'e 85,0 2.666 9
Wallis jeung Futuna Matāʻutu 192,5 13.484 38

(1) baheula kawanoh salaku Mua

Ibu kota wewengkon ieu nyaéta Matāʻutu dina pulo Wallis. Salaku wewengkon ti Perancis, wewengkon ieu diparéntah dina Konstitusi Perancis 28 Séptémber 1958, jeung miboga hak pilih universal pikeun sasaha nu yuswana 18 taun atawa leuwih. Présidén Perancis dipilih ku sora nu panglobana pikeun jabatan lima taun; administrator luhurna ditunjuk ku Présidén Perancis kalawan saran ti Mentri Jero Nagri Perancis; présidén Pamaréntaha Téritorial jeung Majelis Téritorial dipilih ku anggota majelis.

Tempo ogé[édit | édit sumber]

Réferénsi[édit | édit sumber]

Tumbu kaluar[édit | édit sumber]

   Tempo ogé Wallis jeung Futuna di Wikivoyage