Qatar

Ti Wikipédia, énsiklopédia bébas basa Sunda
Luncat ka: pituduh, sungsi
دولة قطر
Dawlat Qatar
Bandéra Qatar Lambang Qatar
Motto
Lagu
As Salam al Amiri
Location of Qatar
Ibu kota
(jeung kota panggedéna)
Doha
Basa resmi Arab
Pamaréntah Monarki
 -  Émir Shéikh Hamad bin Khalifa Al-Thani
 -  Perdana Menteri Shéikh Hamad bin Jassim bin Jaber Al Thani
Kamerdékaan
 -  Déklarasi 3 Séptémber 1971 
Aréa
 -  Total 11.437 km² (158)
 mil² 
Populasi
 -  Perkiraan  2010 1.699.453 (154)
 -  Sénsus -
 -  Kapadetan 75 /km² (94)
 /mil²
GDP (PPP) Perkiraan 2005
 -  Total US$21,87 miliar (104)
 -  Per kapita US$28.919 (19)
Mata uang Riyal (QAR)
Zona wanci (UTC+3)
 -  Usum panas (DST)  (UTC+3)
TLD Internét .qa
Kode telepon +974

Nagara Qatar atawa دولة قطر dina basa Arab nyaéta hiji émirat di Wétan Tengah nu aya di hiji samananjung leutik di Jazirah Arab. Batesna di kidul nyaéta Arab Saudi jeung sisana dibatesan Teluk Pérsia.

Sajarah[édit | sunting sumber]

Saenggeus dominasi Inggris jeung Kasultanan Utsmaniyah di Qatar, ahirnya Qatar jadi nagara nu merdéka dina 3 Séptémber 1971. Baheula, Inggris ngawasaan Qatar sabagé tempat transit kapal dagang saméméh nuju ka India. Qatar teras miboga status salaku depénden ti Inggris, teras status protéktorat Inggris nu dihentian dina taun 1916.

Saenggeus Perang Dunya Kadua, Qatar rék miboga kamerdékaanna, utamana geus India miboga kamerdékaanna dina taun 1950-an. Qatar teras gencar saenggeus Inggris méré kamerdékaan ka Kuwait dina taun 1961. Pamaréntah Inggris nyebutkeun rék ngentian pangawasaan politik tapi tetep neruskeun pangawasaan ékonomi di Qatar. Hal ieu teu dibiarkeun ku Qatar nu ngawangun Fédérasi Arab Teluk bareng Bahrain.

Ékonomi[édit | sunting sumber]

Awalna, ékonomi Qatar difokuskeun kana kalaukan jeung mutiara tapi industri mutiara labuh saenggeus munculna mutiara nu dibudidayakeun ti Jepang dina taun 1920-an jeung 1930-an. Transformasi ékonomi aya dina taun 1940-an, nyaéta dina wanci pamanggihan simpenan minyak bumi. Ayeuna, pamasukan utama Qatar nyaéta ti ékspor minyak jeung gas bumi. Simpenan minyak nagara ieu kira-kira 15 miliar barel (2,4 km³).

Pikeun sababaraha taun ka payun, Qatar kira-kira rék tetep fokus dina minyak jeung gas bumi, tapi geus mulai ngamekarkeun séktor swasta. Dina 2004, Taman Sains jeung Téhnologi Qatar dibuka pikeun menarik jeung ngalayanan rupa-rupa usaha nu basisna téhnologi, boh ti jero atawa luar Qatar.

Eujeung PDB per kapita nomor 2 pangluhurna di dunya jeung pakiraan taun 2008 kira-kira $111.000[1] nu nyieun manéhna Salaku nagara nu tarap hirup populasina bisa disaruakeun malah leuwih maju dibandingkeun nagara-nagara Éropa Kulon nu rupa-rupa layanan sosial jeung fasilitasna modérn.

Kagubernuran[édit | sunting sumber]

Red right arrow.svg
 Artikel utama: Kagubernuran di Qatar.

Qatar dibagi kana 9 Kagubernuran (muhafazah):

Géografi[édit | sunting sumber]

Dataran Qatar gedéna ngan 160 km jeung leuwih leutik ti nagara bagian Connecticut di Amérika Sarikat. Dataran Qatar diwangun ti sagara keusik. Tempat pangluhurna di Qatar nyaéta di Jabal Dukhan. Aréa ieu miboga jumlah gas alam nu gedé pisan.

Démografi[édit | sunting sumber]

Kalobaannana populasi Qatar pangagem Islam. Salian étnik Arab, Qatar ogé diwangun ti laloba ékspatriat nu gawé di Qatar dina industri minyak. Kalobaannana ékspatriat asalna ti Asia Kidul, nyaéta wewengkon India, Pakistan, jeung Maladéwa. Kalobaannana Muslim di Qatar pangagem Islam Sunni, teras nu pangagem Syi'ah ngan 3 %. Pangagem Kristen kalobaannana asalna ti ékspatriat asal Éropa nu gawé di Qatar.

Hukum[édit | sunting sumber]

Sanajan aya di wewengkon Arab, hukum di Qatar katempo leuwih bébas jeung liberal. Dina kapamingpinan Émir Qatar, Hamad bin Khalifa Al-Thani, Qatar ngalaman modérnisasi jeung liberalisasi. Misalna, alkohol diboléhkeun dina jumlah kabates hungkul.

Atikan[édit | sunting sumber]

Dina sababaraha taun ieu, pamaréntah Qatar naro perhatosan nu gedé kana atikan. Pamaréntah Qatar geus ngawangun sakola ti tingkat taman kanak-kanak nepi ka univérsitas. Sababaraha univérsitas Amérika Sarikat geus muka cabangna di Qatar eujeung dukungan Qatar Foundation, di antarana nnyaéta Carnegie Mellon University, Georgetown University School of Foreign Service, Texas A&M University, Virginia Commonwealth University, jeung Cornell University's Weill Medical College. Émir Qatar, Shéikh Hamad bin Khalifa Al-Thani geus ngawangun Déwan Atikan Qatar dina taun 2002.

Komunikasi[édit | sunting sumber]

Qatar miboga sistem komunikasi nu modérn di Doha. Sistem ieu ngagunakeun 2 Intelsat jeung 1 Arabsat. Pausahaan télékomunikasi resmi di Qatar nyaéta Qtel jeung Vodafone. Qtel ogé jadi ISP di Qatar nu dingaranan Internét Qatar. Statsion télévisi Al Jazeera asalna téh ti Qatar jeung didukung ku Émir Qatar.

Tempo ogé[édit | sunting sumber]

Catetan suku[édit | sunting sumber]

  1. CIA World Factbook data pangahirna dianyaran Novémber 2009

Tumbu luar[édit | sunting sumber]

Wikimedia Commons logo
Wikimedia Commons mibanda média séjénna nu patali jeung artikel ieu dina kaca


Wikivoyage-Logo-v3-icon.svg   Tingali ogé Qatar di Wikivoyage