1542 – Catherine Howard, pamajikan kalima Henry VIII ti Inggris, dihukum mati alatan nyéléwéng.
1692 – Pangbantéan Glencoe: Ampir 80 urang Klan Macdonalds di Glen Coe, Skotlandia diparaéhan dina wanci isuk-isuk alatan teu hideng sumpah satia ka raja anyar, William ti Oranye.
1960 – Ku hasilna nguji coba nuklir nu katelah ku kode ngaran "Gerboise Bleue", Perancis jadi nagara ka opat nu mibanda pakarang nuklir.
1967 – Panaliti Amérika manggihan Manuskrip Madrid beunang Leonardo da Vinci di Musium Nasional Spanyol.
1979 – Angin tohaga narajang Washington kulon sarta ngarugrugkeun ruas Jambatan Kanal Hood sapanjang 1/2 mil.
1983 – Kahuruan di hiji bioskop di Turin, Italia, genep puluh opat urang palastra.
1991 – Perang Teluk: Dua "bom pinter" nu ditungtun ku laser ngacurkeun bungker Amiriyah di Baghdad. Pasukan Aliansi nyebutkeun yén bungker éta dipaké minangka post komunikasi militer, kanyataanna 400 rakyat sipil Irak katelasan sajeroeunna.
1996 – Perang Sipil di Népal dimimitian di Karajaan Népal ku Partéy Komunis Népal (Maoist-Tengah).
2004 – Puser Astrofisika Harvard–Smithsonian ngabéwarakeun panimuan béntang panggedé-gedéna saalam samesta, béntang kurcaci bodas BPM 37093. Para astronom ngaranan béntang ieu ku "Lucy" nyokot tina lagu The Beatles, "Lucy in the Sky with Diamonds".